Umculi olodumo uJohnny Clegg, obeseleminyaka yokuzalwa eyedlula amatshumi ayisithupha (66), kasekho.
Inkampani yezindaba eyeReuters ibika ukuthi uClegg, owacula ingoma elodumo ethi ‘Woza Friday’, ubhubhe namuhla esibhedlela kwele South Africa. Ubelesifo secancer.
UClegg, owathola izicoco ezinengi ngokucula ingoma zeSiZulu ehlanganisa leSilungu, wayetshaya umculo wembaqanga.
Wahlabela ingoma ezinengi ezichothoza uhulumende wakwele South Africa owayekhuthaza inkethabetshabi kungakabi lozibuse ngomnyaka ka1994.
Wathola isicoco sePresidential Order of Ikhamanga asiphiwa ngomnyaka ka2012.