amalinks wokungena

Breaking News

Umdeni kaMugabe Uthi Uzamgcwaba Ngendlela Abayifisayo Hatshi Okufunwa Nguhulumende


Umfelokazi uGrace Mugabe.

Ukufuthelana phakathi kukaMongameli Emmerson Mnangagwa lemuli kamuyi uRobert Mugabe ngalapho okumele abekwe khona kukhanya kuqhubekela phambili kulandela umhlangano owenziwe ngoLwesine eBlue Roof eHarare.

Balungiselela ukungcwaba uMugabe loba kungaziwa ukuthi uzabekwa ngaphi.
Balungiselela ukungcwaba uMugabe loba kungaziwa ukuthi uzabekwa ngaphi.

UMnangagwa kubikwa ukuthi wenze umhlangano lomfelokazi uNkosikazi Grace Mugabe kodwa kwehlula ukuthi uhulumende aphathe umsebenzi wokumngcwaba emathuneni amaqhawe elizwe eNational Heroes Acre.

Uhulumende ubikwa efuna ukuthi uMugabe angcwatshwe emathuneni amaqhawe eNational Heroes Acre kodwa imuli yona ibikwa ifuna abekwe lapho adabuka khona koZvimba.

Ekhuluma lentathelizindaba ngemva kwalo umhlangano isikhulumeli semuli yakoMugabe, uMnu. Leo Mugabe, uthe akukabisobala ukuthi umufi uzabekwa ngaphi kodwa wathi loba uhulumende ezakhokhela uhlelo lokuthi uzulu avalelisane loMugabe enkundleni yeRufaro leNational Sports Stadium kathesi, imuli izakhokhela inhlelo zonke kusiya phambili.

Basesililweni sikamuyi uRobert Mugabe eRufaro Stadium eHarare.
Basesililweni sikamuyi uRobert Mugabe eRufaro Stadium eHarare.

“Sizakuya enkundleni yeRufaro lapho uzulu azavalelisa umuyi. Abahloniphekayo labo bazathola ithuba lokumvalelisa ngoMgqibelo eNational Sports Stadium. Sinikeza uzulu ithuba lokuthi avalelise umongameli wakhe kodwa kusukela lapho imuli yakoMugabe yiyo ezabe isikhokhela uhlelo sisiyaphambili. Nxa kulokuzaguquka sizalazisa.”

Umzukulu kamuyi njalo owake waba ngumphathintambo wezokwemba, uMnu. Walter Chidhakwa, uthe uMugabe wenza okunengi okuhle okumele kubukwe.

“Ngesikhathi kasikwamukeleni bantu bakithi. Sonke samthanda sokulesizatho. Sasilesizatho sokumthanda. Kasiqhubekele phambili simthanda lasekufeni kwakhe.”

Bekulabantu abanengi eHarare abacine belimazana bezama ukubona isidumbu sikamuyi uMugabe
Bekulabantu abanengi eHarare abacine belimazana bezama ukubona isidumbu sikamuyi uMugabe

UMongameli Mnangagwa uthe kulenkokheli zamanye amazwe ezedlula itshumi abahloniphekayo abake bakhokhela amazwe abo ababuya ukuzomvalelisa.

“Kuzabuya uThabo Mbeki oweSouth Africa, uJoachino Chisanu oweMozambique, uKenneth Kaunda oweZambia, uRupia Banda oweZambia, Festus Mogai oweBotswana, Sam Nuoma oweNamibia, uDr. Pohamba oweNamibia njalo lomsekeli kamongameli weEthiopia uDeneke Nikunem.”

Inkokheli zebandla eliphikisayo ele MDC eziqoqela uNelson Chamisa, uTendai Biti lo Job Sikhala lazo zibuyile okuzabakhalela abemuli.

Udaba Esilethulelwe NguGibson Bhebhe
please wait

No media source currently available

0:00 0:03:19 0:00


Facebook Forum

XS
SM
MD
LG