amalinks wokungena

Breaking News

Uzulu Usola Udlakela Kukhetho Lwama Primaries Lwebandla leZanu PF


Abalandeli bebandla leZanu PF.

Annastacia Ndlovu

Izakhamizi zesiqintini seUmguza esabelweni seMatabeleland North seziveze ukukhathazeka okukhulu ngodlakela olwenzakale ngesikhathi ibandla leZANU PF lisenza ukhetho lwama primaries lokudinga abazalimela kukhetho lwelizwe olizayo.

Izakhamizi ezikhulume leStudio 7 zithi sezihlalele evalweni ngemva kokhetho lokukhetha abakhokheli abazabamela iZanu PF edale lephalamende lakukhansili ngemva kokubotshwa kwamanye amalunga ebandla leli kulandela ukungalandeli izimiso zebandla ekuqhubeni ukhetho lwamaprimaries.

Isakhamuzi seUmguza kuWard 2, uNkosazana Mildred Mhlanga, usole kakhulu indlela ukhetho oluqhutshwe ngayo esiqintini sakhe.

UNkosazana Mhlanga ucele ukuthi yonke into iqoqwe ngendlela kodwa ukukhethelwa inkokheli libandla sekubulele iZanu PF.

Evumelana loMaMhlanga, uNkosazana Nokuthula Mhlophe, uthi babone imihlolo njalo inengi labantu libotshiwe ngoba bengavumi ubugwelegwele obebusobola bokugqitshwa kwamabhokisi okuvota khona abantu besigaba leso bengakavoti.

UMqondisi wenhlanganiso yeChristian Alliance, uMfundisi Useni Sibanda, usole indlela ibandla leZanu PF eliqhube ngayo ukhetho esithi kuqakathekile ukuba umuntu wonke alandele izimiso zokhetho kungakhathalekile ukuba yiliphi ihlandla lezokhetho.

Kusukela ngeSonto, ibandla elibusayo liqale ukuqhuba ukhetho lwama primaries kuthi kwezinye izigaba luqhutshwe kahle kodwa kwezinye kube lengxaki ezigoqela ukungabikhona kwamagama enkokheli ezifuna ukuvotelwa, ukukhutshwa kwabanye kuluhlu lokuvota, ubuqili bokuqgiba amabhokisi ngamavoti, ukulwa kanye lokumiswa kokhetho kwezinye indawo lwaze lwaqhutshwa ngoMvulo.
UMongameli Emmerson Mnangagwa, onguye umkhokheli weZanu PF, ubikwa esevumile ukuba ukhetho lwamaprimary, kaluqhutshwanga ngendlela kwezinye indawo zelizwe, ethembisa kodwa ukuthi ukhetho lwelizwe konke kuzaqhutshwa ngendlela.

Udaba Esilethulelwe NguAnnastacia Ndlovu
please wait

No media source currently available

0:00 0:03:14 0:00

Facebook Forum

XS
SM
MD
LG