amalinks wokungena

Breaking News

Umhlangano Wokuhlaziya Umthetho Wokuvota Uqhutshwa Ngokuthula eHarare


Umhlangano wokuqoqa imbono kazulu kulokho afuna kungene kumthetho wokuqhutshwa kokhetho wenziwe ngokuthula edale lephalamende eHarare ngoMvulo kulabanengi abathi abahlala emazweni bengavunyelwa ukuvota.

Imihlangano efanayo isike yaphazanyiswa ngabacatshangelwa ukuthi ngamalunga eZanu PF kwezinye indawo zelizwe ezigoqela iMarondera, Bulawayo, Gokwe kanye leKadoma.

Inengi belisithi nxa abahlala emazweni befuna ukuvota, kumele bebuye elizweni bazevota, njalo bengaze bavunyelwa ukuthumela amavoti abo (postal ballots).

Kube lembono ehlukeneyo kusiya ngokuthi oyethulayo ngowebandla liphi.

Lokhu kubemgceke kumbono efana lokuvunyezwa kwabantu abavela ngaphandle kwelizwe ukuzohlola ukhetho lodaba lwesikhathi okumele sidlule impumela yokhetho ingakaziswa.

Abanye bebesithi kube ngamahola amane alesikhombisa abanye besithi lesi sikhathi kasifike kumalanga amahlanu.

Kunjalo nje, ibandla leZanu PF selilandule imibko yokuthi yilo eliphazamise imihlangano yokudinga imbono kazulu phezu komthetho weElectoral Ammendment Bill kwezinye indawo.

Isikhulumeli salelibandla uMnu Rugare Gumbo uthi ibandla lakhe liyakusola ukuphazanyiswa kwaleyi mihlangano. Uthi njalo ingaba iphazanyiswe ngabasekeli beMDC begqoke imvunulo yeZanu PF.

XS
SM
MD
LG