amalinks wokungena

Isigodlo Sommeli weMelika eZimbabwe Siba Lengxoxo Ngokunyamalala Kwabantu


Ummeli weMelika eZimbabwe, uMnu. Harry Thomas Jnr.

Kuzakwenziwa umhlangano ngoLwesibili kusigodlo seMelika eHarare ozabe ukhangelane lokunyamalala kwabantu eZimbabwe.

Lokhu kwethulwe yisigodlo lesi esithi isihloko sodaba lolu sizabe sisithi ngesiLungu ‘Trafficking in Persons in Zimbabwe’.

Umhlangano lo ozangenwa ngabantu abatshineyo wenziwa ngesikhathi kulezizalwane zeZimbabwe ezinyamalala zisetshenziswe nzima emazweni anjenge Egpy, Saudi Arabia, Kuwait lamanye afanayo.

IStudio 7 ixoxe loMnu. Gift Siziba, osakhulayo okuhlangiso ye Tajamuka-Sesijikile Campaign, othe lumhlangano uqakathekile kakhulu eZimbabwe njengoba kulabantu abanyamalala mahlayana.

USiziba uhle wathatha ithuba lokunxusa wonke umuntu ohlala eHarare ukuthi aze ngobunengi kulumhlangano wokuxoxa ngadubo lolu njalo bezaba lenhlanhla yokuxoxisana labammele iMelika eZimbabwe, bexwayisana labanye ngokumele bakunanzelele kumbe balimuke ngaloludaba.

Facebook Forum

XS
SM
MD
LG