Amakhulu ezizalwane zeZimbabwe zohlobo lwesiKalangeni bazabe bethe gwaqa ngoMgqibelo eJohannesburg emkhosini wokuqoqa imali yokubhala izingwalo zesiKalanga ezizasetshenziswa ezikolo.
Lumkhosi uqoqwa ngesikhathi kube ngokwakuqala lonyaka ukuthi abantwana be Grade 7 babhale umhloliso ngolimi lwesiKalanga.
Akubizwa ozwayo ngoMgqibelo eHilbrow Theatre emkhosini wabosendo lwesiKalanga ohlose ukuqoqa imali yokuloba ingwalo zolimi lwabo ezizasetshenziswa ezikolweni.
Omunye wabaqoqa lumkhosi unkosazana Portia Nozipho Bhango uthi bakubone kufanele ukuthi njengamaKalanga kube ngumlandu wabo ukubona ukuthi ziyatholakala ingwalo ezibhalwe ngalolu limi ezizasetshenziswa ngabantwana esikolo.
Unkosazana Bhango uthi kulo umkhosi oqoqwe yinhlanganiso ye Kalanga Language & Cultural Development Association, kuzabe kudibene abaculi besiKalanga, kudliwa ukudla kwesiKalanga, kukhulunywe ngesiKalanga, Kuvunulwe ezesiKalanga kanti lenhleko lemipululu yakhona kuzabe kungokwesikhalanga.
UmaBhango uthi kuzabe kuthengiswa loba yini ephathelene lesiko lesikhalanga ukuze kutholakale imali yalezi zingwalo ezizagoqela lesichazamazwi solimi lwesiKalanga. Okuzathengiswa kuqoqela ukudla okufana labo Nopi, umxhanxa, idelele, oxakuxaku lezinye ezifela emlonyeni zesiKalangeni.
Kuzabe njalo kulamatikiti azabe ethengiswa kube khona abathola imivuzo. Kulabahlonitshwa abakhangelele ukungena kulo umbuthano abavela eZimbabwe.
Isikhalanga ngolunye lwendimi ezidume kakhulu kwelemandebeleni. Lonyaka kube ngokokuqala ukuthi abafundi be Grade 7 babhale umhloliso wesikhalanga kusitsho ukuthi kungakapholi maseko luzabe selubhalwa ngabafundi besekhondary. Uhluphoke yikuthi kakukabi lengwalo ezaneleyo ezibhalwe ngalolulimi, yikhonje inhlanganiso ye Kalanga Language & Cultural Development Association isize laleli cebo.
