amalinks wokungena

Breaking News

Kusungulwa Umhlangano weAfrica Energy Wokuhlaziya Ngezamandla Kagetsi


Umnumzana Samuel Undenge umpathintambo wezamandla kagetsi

Umphathintambo wogatsha lwezamandla kagetsi leminye imililo, uMnumnzana Samuel Undenge usekhuthaze amazwe awezwekazi le Africa ukuthi amanyane enhlelweni zokuphekwa kwamagetsi ukuze kuqedwe inhlupho zikagetsi ezibhekane lezwekazi le Africa.

U-Undenge wethule lamazwi emhlanganweni wamalanga amabili owe Africa Energy Indaba oqale eJohannesburg ngoLwesibili.

Umhlangano weAfrica-Energy-Indaba
Umhlangano weAfrica-Energy-Indaba

Esethula inkulumo yakhe emhlanganweni lo umphathintambo lo, uthe kuqakathekile ukuthi amazwe eAfrica jikelele abambane ekuqedeni uhlupho lokusweleka kwamagetsi kuzwekazi leAfrica.

Uqhubeke ethi Undenge, iZambia leZimbabwe aphakathi kokwakha isititshi sikagetsi eseBatoka Hydro Power Station esizaletha amandla kagetsi amanengi emazweni womabili.

"Uhlelo lokuthola amandla kagetsi olweBatoka Hydro Power Project lukhangelelwe ukusipha amandla kagetsi afika i R2400 mega watts okungamandla esizawabelana ngokulinganayo phakathi kweZimbabwe leZambia. Loluhlelo silubona kulinyathelo eliqakatheke kakhulu ekuletheni amandla kagetsi ebantwini. Sicabangela ukuthi loluhlelo luzabiza amabhiliyoni amadola amahlanu ($5 billion".

Umnumzana Samuel Undenge
Umnumzana Samuel Undenge

Ngakolunye uhlangothi uthi iSouth Africa, iZimbabwe, iZambia, iBotswana, leNamibia zileyinye njalo inhlanganiso ebizwa ngokuthi SIZABONA layo ehlose ukuthuthukisa ezokutholakala kwamandla kagetsi.

Phezukwale, iMozambique, Zimbabwe le South Africa zilenye njalo ebizwa ngokuthi MOZISA layo layo ehlose ukuqelisa amathuba okutholakala kwamagetsi emazweni la womathathu.

"Loba nje iZimbabwe isazakala ukuthi ayilamali, Undenge uthi baphakathi kokunxusa osomabhizimusi abazimeleyo ukuze bazosungula inhlelo zokuphekwa kwamagetsi elizweni loba ukuxhasa lezo esezivele zikhona".

"Sesilabo osomabhizimusi abazimeleyo asebeze eZimbabwe bezimisele ukufaka imali enhlelweni zokwenziwa kwamagetsi eZimbabwe. Siyakhuthaza kakhulu ukuthi osomabhezimusi abazimeleyo bangene kulezi inhlelo loba baziqalele ezabo. Leke yinto evele isisenziwa ngabanye osomabhizimusi abazimeleyo".

IZimbabwe ngelinye lamazwe eAfrica abhekane lohlupho olukhulu kwezokusilela kwamagetsi. Ukwehla kwamanzi edamu le Kariba okubangelwe yikutshisa lokungani kwezulu ngengxa yendlala ka El Nino sokwenze loluhlupho lwaba ngamandla.

Ngokutsho kocwaningo lwenhlanganiso ye African Development Bank, abantu abedlula izigidi ezingamakhulu ayisithupha (645 million) kuzwekazi le Africa kabawatholi amagatsi. Izwekazi le Africa lifuna amadola angamabiliyoni angamatshumi amane ($40 billion) ngomnyaka ukuze kulungiswe lolu hlupho.

please wait

No media source currently available

0:00 0:02:49 0:00
Lapho esitholakala khona

XS
SM
MD
LG