amalinks wokungena

Breaking News

Kwenziwa Umhlangano Wokulungiselela Omkhulu Wezenotho oweWorld Economic Forum


Umhlangano wabamabhizimusi owenzelwe eHarare

UMongameli Emmerson Mnangagwa lequla lakhe bakhuthazwe ukuba basebenzise umhlangano we World Economic Forum ozakwenzelwa eDavos – Klosters, kwele Switzerland oqala mhla ka 23 uzophela mhla ka 26 kuyonale inyanga kaZibandlela, njengethuba lokuhlambulula igama lelizwe lokuqinisa umbiko wokuthi eleZimbabwe lilungele ukuqhuba amabhizimusi njengokuthembisa kwakhe.

Umhlangano wabamabhizimusi owenzelwe eHarare ongenwe nguMongameli Emmerson Mnangagwa
Umhlangano wabamabhizimusi owenzelwe eHarare ongenwe nguMongameli Emmerson Mnangagwa

Lokhu ngokunye kokuvezwe emhlanganweni owenzelwe eweteleni ye Meikles Hotel, eHarare, wokulungiselela uhambo lokuyangena umhlangano we World Economic Forum ozakwenzelwa eDavos – Klosters, kwele Switzerland.

Emazwini akhe obengumhlonitshwa kulomhlangano, umongameli Emmerson Mnangagwa, utshele iziphathamandla zenhlangothi ezehlukeneyo ebezikhona ukuba eleZimbababwe lilizwe elizinikele ukusebenzisana yiloba ngubani kwezokusungulwa kwezamabhizimusi.

Wakhuthaza ukusebenzelana kwezizalwane zeZimbabwe eziselizweni lakwamanye amazwe ukusungula amabhizimusi ukuze siguquke isimo somnotho welizwe.

UMnu. Emmerson Mnangagwa
UMnu. Emmerson Mnangagwa

Umongameli Mnangagwa uthi bengaze besabela khatshana abakwamanye amazwe ukuzasungula amankampani abo elizweni ngoba besesaba ukwalelwa ukuphuma lenzuzo yabo.

Umphathintambo wobudlelwano beZimbabwe lamanye amazwe womhlaba, u Retired Brigadier General Sibusiso Moyo, ngomunye weziphathamandla lenkokheli abazakuyangena umhlangano wabosomabhizimusi e Davos.

Ulandisele lumsakazo ukuba kungani eleZimbabwe likubone kufanele lithumele iqula ukuyangena lumhlangano owenzelwa e Davos.

U Moyo ugcizelele emazwini kaMnangagwa wokuthi eleZimbabwe lilizwe elilondolozekileyo.

Umhlangano wokulungiselela owezenotho omkhulu owe Dova
Umhlangano wokulungiselela owezenotho omkhulu owe Dova

Umhlangano wangoLwesine ubuhlose ukubuthanisa ingcwethi zokuthuthukiswa kwenotho labakubhizimusi kulungiselelwa umhlangano wamazwe womhlaba owe Davos wona okhangelelwe ukuqala mhla ka 23 uzophela mhla ka 26 kuyonale inyanga kaZibandlela usenziwa phansi kwesihloko esithi “ Creating a Shared Future in a Fractured World ”.

Iziphathamandla zikahulumende kanye lenkokheli zenhlangothi ezehlukeneyo kwezamabhizimusi bavumelene ukuba leli lithuba elihle lapho inhlangothi ezehlukeneyo kwezamabhizimusi zizophana amacebo kanye lokukhulumisana ngokuthuthukiswa kwawo.

Umongameli Mnangagwa uthethe lelithuba ukuphawula ngokusemthethweni, ugwalo oluveza indlela amabhizimusi angavulwa ngayo kanye lamathuba aselizweni kulabo abafisa ukusungula amankampani abo oluthiwa “ Investment Guidelines and Opportunities in Zimbabwe ”.

Udaba lomhlangano wabamabhizimusi siluphiwa nguMavis Gama
please wait

No media source currently available

0:00 0:03:50 0:00

Facebook Forum

XS
SM
MD
LG