amalinks wokungena

Breaking News

Umhleli weSunday Mail Unikezwa Imvumo Yokuhlawula iBail


Edmund Kudzai
Edmund Kudzai

Umthethwandaba waphezulu owe High Court uze wanikeza umhleli wephephandaba le Sunday Mail obotshwe kumaviki ambalwa edluleyo ecatshangelwa ukuba nguBaba Jukwa, umnumzana Edmore Kudzai, ithuba lokuhlawula imali yesibambiso eye bail eyedlula inkulungwane ezinhlanu zamadollar kodwa wabekelwa imigoqo elukhuni ebalisa ukuyazibika emapholiseni kabili ngelanga.

Esethula isinqumo sakhe lamuhla ekuseni, umahluli edale le High court umnumzana Joseph uveze ukuba u Kudzai kumele ahlawule inkulungwane ezedlula ezinhlanu zamadola akweleMelika - US$5,200.

Phezu kwalokho uMusakwa ubekele uKudzai imigoqo ethile egoqela ukuthi kumele ayezibika emapholiseni kabili ngeviki, , aphe amapholisa i-account yakhe ye gmail njalo angaze aphazamisa abafakazi.

U Musakwa uthi kumele u Kudzai ayenikeza amaphepha akhe endlu yabazali bakhe ama title deeds kwabezomthetho, angaze ahamba umango owedlula amakhilometha angamatshumi amane ukuphuma edolobheni le Harare – 40 km radius, phezu kwakho atholise njalo abezomthetho ugwalo lwakhe olumvumela ukuhamba – i passport.

Lokhu kuza ngemva kokuba eke walelwa isicelo sakhe uKudzai sokuhlawula imali yesibambiso i bail ukuze icala lakhe lithoniswe esuka emzini wakhe engavalelwanga, ngemva kokuba umahluli we High Court ngaleso sikhathi unkosikazi Ester Muremba eke waludlulisela phambili loludaba ngoba uhulumende ehluleke ukuletha amaphepha akhe edale ngesikhathi.

Akazange asiphikise lesisinqumo uhulumende njengoba sinikezwe ngokuvumelana kwamagqwetha amacele womabili, umtshutshisi umnumzana Tawanda Zvekare kanye leqgwetha elimele uKudzai, umnumzana Everson Chatambudza.

Umnumzana Kudzai ubekwa umlandu wokutshotshozela uzulu ukuba avukele uhulumende ngokuloba imbiko enkundleni yokuzilibazisa yebulenjini eye Face Book ecatshe ngegama lokuthi nguBaba Jukwa.

XS
SM
MD
LG