amalinks wokungena

Breaking News

Umholi Webutho Usola Inkokheli YeAfrican Union Phezu Kodaba LweLibya


Umholi webutho uGeneral Philip Valerio Sibanda sesole inkokheli yeAfrican Union esithi yehlulekile ukusekela uMongameli Moarmar Ghaddafi weLibya ekulwisaneni labahlamuki asebegenqule uhulumende wakhe.

Kungxoxo ayenze lephephandaba likahulumende iChronicle ngoMvulo, uSibanda uthi umvukela ofana loweLibya awusoze wafa wenzakala eZimbabwe.

Inkokheli yeAfrica idabukene phakathi kudaba lweLibya. Kulamazwe angamatshumi amabili agoqela eleBotswana asenanze laba bahlamuki abazibiza ngegama lokuthi yiNational Transitional Council abalwisana loGhaddafi.

Kodwa akhona njalo amazwe afana leZimbabwe athi akananzi lababahlamuki. Inkokheli yebutho ihlezi isolwa ngokungenela kwezombusazwe, ikakhulu isethula amazwi asekela iZanu PF.

Umeli weBulilima edale lephalamende njalo engomunye wabaphathintambo bogatsha olubona ngendaba zokuxolelana uMnu Moses Mzila Ndlovu uthi uSibanda uyaphambanisa ngokusola inkokheli yeAfrica kudaba lweLibya.

XS
SM
MD
LG