BULAWAYO —
Abesifazana bathi ukuphela kohlelo lokukhankasela ukuqeda udlakela olwe 16 Days of Activism Against Gender Based Violence, akutsho ukuthi sokuphelile ukuxoxisana ngamalungelo abesifazana kodwa kumele kube yisiqalo sokukhankasela inhlalakahle yabomama malanga wonke omnyaka. Kubika intathelizindaba yeStudio 7 uNothando Sibanda osipha loludaba ekoBulawayo.
Umkhankaso we 16 Days of Activism Againsts Gender Based Violence lonyaka uphatha phathe inhlupho ezitshiyeneyo ezibhekana labesifazana ekwenqabeleni udlakela ezimulini lasemphakathini.
Lokhu kugoqele amalungelo abesifazana ekuthuthukiseni inotho yelizwe, labo abaphila legcikwane le ngculaza, abagogekileyo lembambeko zabo, ukungena kwabesifazana kwezombusazwe kanye lendingeko zabo kukhangelwa ukuguquka komkhathi kanye lokugugudeka komhlabathi.
Lanxa lezi ndaba zihlafunwe kabanzi ngalesi sikhathi somkhankaso, abesifazana bathi hatshi amalungelo abo kawangeke akhulunywe agcwaliseke ngamaviki amabili nje kodwa kudingeka ukuthi kuqhubekee kuhlafunwa udaba lolu ukuze ukukhankasela amalungelo abesifazana kube ngumsebenzi wansuku zonke.
Umkhankaso we 16 Days of Activism Againsts Gender Based Violence lonyaka uphatha phathe inhlupho ezitshiyeneyo ezibhekana labesifazana ekwenqabeleni udlakela ezimulini lasemphakathini.
Lokhu kugoqele amalungelo abesifazana ekuthuthukiseni inotho yelizwe, labo abaphila legcikwane le ngculaza, abagogekileyo lembambeko zabo, ukungena kwabesifazana kwezombusazwe kanye lendingeko zabo kukhangelwa ukuguquka komkhathi kanye lokugugudeka komhlabathi.
Lanxa lezi ndaba zihlafunwe kabanzi ngalesi sikhathi somkhankaso, abesifazana bathi hatshi amalungelo abo kawangeke akhulunywe agcwaliseke ngamaviki amabili nje kodwa kudingeka ukuthi kuqhubekee kuhlafunwa udaba lolu ukuze ukukhankasela amalungelo abesifazana kube ngumsebenzi wansuku zonke.
