amalinks wokungena

Breaking News

Umkhokheli weAl-Qaeda uOsama Bin Laden Ubulawa Libutho LeMelika


Ingqungquthela eyahlela ukuhlaselwa kweMelika ngoMpandula mhlaka 11 ngomnyaka ka2001, engumkhokheli njalo weqembu leAl Qaeda uOsama Bin Laden kasekho.

UBin Laden udutshulwe wafa libutho leMelika ngeSonto emini, ekulwisaneni okuqhamuke edolobheni leAbbottabad kwelePakistan.

Besokuyiminyaka phose elitshumi lanye iMelika ithungatha umzila kaBin Laden kulandela ukuhlaselwa kwesakhiwo seWorld Trade Center eNew York kanye lePentagon kusehlakalo esaziwa kakhulu ngokuthi yi 9/11.

Amalwecatsha eAl Qaeda, esebenzelana loBin Laden, yiwo athumba indizamtshina zeMelika ezine ayazitshayelela kulezindawo, kwafa abantu abedlula inkulungwane ezintathu-3, 000.

Ekhuluma ngeSonto ntambama, uMongameli weMelika uMnu Barack Obama ubonge iqula elibona ngezomvikela ngokuthungatha lokubulala uBin Laden.

Ekuhlaselweni kwakhe uBin Laden labanye bakhe abane bazame ukuzivikela kodwa lokhu akuzange kubasize.

UBin Laden yena udutshulwe ekhanda wahle wafa wangchwatshwa ngokuphosela elwandle.

Ingcwethi ecubungula ezombusazwe uMnumzana Themba Dlodlo uthe izizalwane zeZimbabwe lazo zijabule kakhulu ngokubulawa kukaBin Laden ngoba zisola imisebenzi yakhe.

XS
SM
MD
LG