amalinks wokungena

Breaking News

Umkhokheli weZINASU uTakudzwa Ngadziore Uphiwe iMvumo Yokuhlawula iBail


Umkhokheli wenhlanganiso yezifundi eye Zimbabwe National Students Union (ZINASU) uTakudzwa Ngadziore usephiwe imvumo yokuhlawulela isibambiso sebheyili samadola eZimbabwe azinkulungwane ezimbili- $2,000RTGs.

Esipha isinqumo sakhe sokuvumela uNgadziore uMantshi uphinde wamupha imigoqo ehamba lale imvumo yokuhlawula iBail ethi kumele angaphambanisi abafakazi abakahulumende, ahlale kukheli ayiphe idale njalo azise emapholiseni kanye ngeviki.

UNgadziore wetheswa icala lokuphatheka ekutshengiseleni ngenjongo yokwenza ubudlwangudlwangu, ekutshengiseleni kwakhe emahofini enkampani yeImpala Car Rentals labanye besola ukusetshenziswa kwemota yenkampani le, ekuthunjweni kuka Tawanda Muchehiwa.

UMuchehiwa yena oyisifundi ekolitshini yeNationaL University of Science and Technology (NUST) uthunjwe ngenyanga edluleyo ko Bulawayo ngabantu abacatshangelwa ukuba zinsoli zikahulumende.

Ngemva kwamalanga ethunjiwe kubikwa kuphume imfanekiso yeCCTV itshengisa izimota ezasetshenziswayo, okuveze imota ye IMpala Car Rentals.

Inkampani le kayizange ilandule ukuba imota ngeyabo kodwa yathi kayilani lokuba abantu ababoleka izimota bazisebenzisani loba ngaphi.

Lokhu kwenza ukuba uNgadziore lezinye izifundi lozulu we Zimbabwe basole kakhulu linkampani ngokuncedisa labo abathumba abantu ukuncindezela amalungelo oluntu.

Ngemva kwalesi sehlakalo kulapho uNgadziore abotshwe khona esetheswa icala lokutshengisela ngennjongo yokutshotshozela udlakela.

Okumangalise abanengi yikuba izifundi ezifika itshumi zibotshiwe namhlanje, phandle kwedale likaMantshi, eHarare lapho ebe zitshengisela zifuna akhululwe uNgadziore ngoba engela cala.

Ekhuluma ngokuphiwa imvumo yokuhlawula ibheyili kuka Ngadziore, isikhulumeli seCrisis in Zimbabwe Coalition uMnu Marvelous Khumalo uthe bekuvele kungamelanga abotshwe.

“Kuyathabisa ukuba umkhokheli we ZINASU uphiwe ibheyile. Kodwa siyakhathazeka kakhulu ngokuthi abanye bakhe akade bezombona e court, bacine labo sebebotshwa”

Ukubotshwa kuka Ngadziore kusolwe zinhlanganiso ezinengi zeZimbabwe laphandle kwelizwe ezibalisa usikhwicamfundo wezomthetho olodumo uPatrick Lumumba owe Tanzania yena ocele uMongameli Mnangagwa ngempela viki ukuba amxolele.

Ngakomunye umthethwandaba, uMahluli weHigh Court usedlulisele phambili udaba luka msekeli ka mgcinisihlalo we MDC Alliance uMnu Job Sikhala esithi uzakupha isinqumo kumalanga alandelayo.

USikhala usezaqhubeka evalelwe ngemva kokuba uMahluli ethe usafuna isikhathi sokuhluzisisa ubufakazi bokuthi aphiwe na, imvumo yokuhlawulela ibheyili loba hatshi andubana aphe isinqumo sakhe.

Iqgwetha lakhe uMnu Harrison Nkomo uchasisisa ngalokhu.

“Lokhe sizama ukuba uJob aphume ejele. Namhlanje iHigh Court isivumele ukuba sicele ibheyili. Sitshele uMahluli ukuba alukhangelisise. Uthe uzatshela nxa eselungele ukuba asinike isinqumo sakhe ngaloludaba”

USikhala wetheswa icala lokufuna ukugenqula uhulumende ngemva kokuqoqa ukutshengisela okwakumele kwenzakale mhlaka 31 Ntulikazi lonyaka.

Udaba Esilethulwe NguMlondolozi Ndlovu
please wait

No media source currently available

0:00 0:03:19 0:00

Facebook Forum

XS
SM
MD
LG