amalinks wokungena

Uyaphumelela Umkhosi weMopane Foundation Wokuphandela Intandane Imali


Abanye abahambe emkhosini wokuphandela intandane imali.

Abenhlanganiso yezizalwane zeZimbabwe ezihlala eBhilithane ephathisa abantwana abazintandane labaphuma emulini eziswelayo abeMapone Foundation babe lomkhosi okubuthanisa imali ngeviki ephelileyo

Lumkhosi wenzelwe edolobheni leSheffield.

Minyaka yonke ngalesisikhathi somnyaka inhlanganiso yeMopane Foundation iba lomkhosi wokubuthanisa imali yokusiza intandane labantwana abadabuka emulini eziswelayo ezingaphansi kwesandla sayo kweleZimbabwe.

Bekugcwele abantu emkhosini wokudingela intandane imali.
Bekugcwele abantu emkhosini wokudingela intandane imali.

Umqondisi wenhlanganiso le, unkosazana Nomsa Nekevane uchasisa ngomsebenzi wabo.

"IMopane Foundation sifundisa abantwana emakhaya eZimbabwe abahlala emaphandleni. Silentandane eziyi 35 esizifundisayo eMatabeleland North, leMatabeleland South lase Midlands. Sibabhadalela imali yezifundo, sibathengele amaschool uniforms besesibathengela lama stationary, lezicathulo lento ezifana lama underwear lokunye okufanayo."

Bekulabantu abedlula ikhulu emkhosini lo abeze ukuzo xhasana labenhlanganiso le emdlalweni wayo wokubuthanisa imali.

UNkosazana Linda Thebe ngomunye wabakade besemcimbini lo.

"Lapha eMopane Foundation Gala sizo supporter usisi wethu uNomsa ngomsebenzi akhuthale ngawo wokuncedisa abantwana basekhaya intandane zekhaya ukuthi konke kubalungele ukuba lungisela impilo yabo ukuthi ibenhle."

Omunye njalo obekhona okhulume kulumcimbi nguThamsanqa KaGwayi Moyo osedume kakhulu kugwalo lokuzithokozisa iFacebook ngendaba zakhe zokuthi abantu kabakhane. OkaGwayi uhlala eCanada lapho andize wabuya ukuzosekela lumkhosi.

Abanye bavele emazweni anjenge Canada ...
Abanye bavele emazweni anjenge Canada ...

"Ngilapha Tshisa ngibuyile lapha eUK ngisuka khonale eCanada ukuthi ngize sekela udadewethu lapha uNomsa Nekavane ngento yakhe le eyezintandane. Abantwana kumele banikwe ithuba lokuthu bahambe esikolweni ngoba bayikusasa yethu. Umntwana wonke kumele athole amabhuku, kumele athole iuniform yesikolo, kumele athole ukuthi uyaba le confidence ngesikolo laye azizwe engumuntu phakathi kwabanye abantwana.

"Engazizwa ubuyanga engumntwana omncane thina sikhona? Ngibona angani kuyisocial responsibility yethu ukuthi sibambane sisekelane sincedisane ukwenzela ukuthi sincedise abantwana. Kuqala ngami laye usisi uNomsa laweTshisa kunje sibambene izandla njengoMthwakazi asincedeni abantu bakithi."

Bekuthengiswa okwehlukeneyo emizameni yokubuthanisa imali.

UNkosazana Nekevane uthi isifiso sakhe esikhulu ngesokubuthanisa imali enela ukuncedisa abantwana abazintandane ngakho-ke ukhuthaza uzulu ukuthi ancede njalo engameleli umkhosi onje kuphela.

"Izolo besibuthanisa imali sise Sheffield sizama ukuhlanganisa imali yokuthi sincedise abantwana laba. Sidinga i$4000 a year, sizamile kodwa imali ayikwananga. Sicela abafuna ukusiza uzulu wonke siyatholakala kuFacebook enkundleni yeMopane Foundation. Sikubeka sobala okumele ufake khona imali. Ama bank account details akhona kuwebsite www.mopanefoundation.org. Kule link yokunika imali ekuhambisa kukhasi lePay Pal leAccount Number."

Kwele Zimbabwe akulakuthi umntwana yintandane loba uphuma emulini eswelayo, izikolo ziyabhadalisa imali yemfundo. Uhulumende weZimbabwe uhlezi njalo ethi abantwana bonke kumele bafunde ezikolo zemfundo ephansi laloba bengalamali kodwa akwenzakali bayaxotshwa abantwana esikolo nxa bengabhadalanga.

Kukhanya ikusasa yabantwana abanengi imnyama ngendaba yokubhadala imali yemfundo.

Facebook Forum

XS
SM
MD
LG