amalinks wokungena

Breaking News

Umkhuhlane weCholera Ubulala Abantu Abathathu eHarare


Ugatsha lwezempilakahle luthi umkhuhlane weCholera oqhamuke eHarare ngenyanga edluleyo usubulele abantu abathathu.

Umkhuhlane lo uhlasele emalokitshini afana leSt Mary's leChitungwiza.

Umqondisi okhangelane lokwenqabela imikhuhlane etshiyeneyo kugatsha lwezempilakahle uDokotela Portia Mananganzira uxwayise uzulu ukuthi ethathe amanyathelo okuzivikela ngokuhlanzeka.

Umkhuhlane weCholera ubangelwa yingcekeza njalo abantu bawubamba ikakhulu ngokunatha lokudla ukudla okungcolileyo.

Ngomnyaka ka2008 umkhuhlane lo uke wasabalala ngelizwe wabulala abantu abedlula inkulungwane ezine.

Ukhansila weHarare uMnu Peter Moyo utshele iStudio 7 ukuthi umanisipala walelidolobho uyehluleka ukutholisa uzulu amanzi ahlanzekileyo ngoba impompi eziwathwalayo sezaba zimbobo.

please wait
Embed

No media source currently available

0:00 0:04:02 0:00

Facebook Forum

XS
SM
MD
LG