amalinks wokungena

Breaking News

UMkhwananzi Owetheswa Icala Lokuthuka uMnangagwa Uhlawuliswa Isibambiso Sebail


UMnu. Wisdom Mkhwananzi labanye ababotshwe ngoLwesihlanu koBulawayo.
UMnu. Wisdom Mkhwananzi labanye ababotshwe ngoLwesihlanu koBulawayo.

Umthethwandaba kaMantshi oweTredgold Magistrates’ Court koBulawayo ngoMvulo ukhulule uMnu. Wisdom Mkhwananzi olilunga leMthwakazi Republic Party (MRP) ngemva kokumvumela ukuthi ahlawule isibambiso sebail, samamakhulu amabili amadola - $200.

UMkhwananzi ukhangelelwe ukuphindela edale leli ngenyanga ezayo mhla zilitshumi lantathu esuka ngekhaya.

Iqwetha lika Mkhwananzi, olilunga lenhlanganiso yamagqwtha alwela ilungelo loluntu eye Abameli Human Rights, uMnu. Tanaka Muganyi, uthi kuyadanisa ukuthi uhulumende umalele ukuthola usizo lokwelatshwa kulandela ukuhlukuluzwa kwakhe ngamapholisa ngesikhathi bembopha.

Abanye abantu akade besemthethwandaba ...
Abanye abantu akade besemthethwandaba ...

UMkhwananzi wetheswa icala lokuthi weyisa uMongameli Emmerson Mnangagwa ngesikhathi esethula ubufakazi kukhomishini ebona ngokubulawa kwabantu abayisithupha abadutshulwa libutho ngoNcwabakazi lonyaka.

UMongameli weMRP, uMnu. Mqondisi Moyo, usole isenzo sikahulumende sokwalela uMkhwananzi ithuba lokuyakwelatshwa.

"Siyabonga ngesibambiso lesi kodwa kuyadanisa ukuba uma uhulumende ulobandlululo ekupheni abantu imali yesibambiso, esigodlweni abantu baphiwa imali yesibambiso ephansi kodwa ngapha iqansile. Siphinda sibone ukuba ukwalelwa kwakhe ukuya esibhedlela yikuqhubekela phambili kombhuqazwe weGukurahundi."

Amalunga ebandla leMRP athabe okumangalisayo kulandela ukukhululwa kukaMkhwananzi.

XS
SM
MD
LG