amalinks wokungena

Ummeli weMelika eZimbabwe Unika Imali Inhlanganiso Ezimbalwa

  • Mavis Gama

Inhlanganiso ezitshiyeneyo zithole imali yokuthuthukisa inhlelo zikazulu.

Ummeli we Melika eZimbabwe, uAmbassador Harry K Thomas Junior, usenike inhlanganiso eziyisitshigalolunye inkulungwane ezedlula amakhulu amabili zamadollar - $265.000.

Uzinike imali ekutshwe esikhwameni sakhe esibizwa ngokuthi yiUnited States Ambassador’s Special Self Help Fund.

Ekhuluma emkhosini wokunikeza lolo sizo ngoMvulo, owenzelwe emzini wakhe, uThomas Jnr, uthe isifika kuzigidi ezimbili zamadollar imali esiyabelwe uzulu weZimbabwe selokhe lesi sikhwama sasungulwa eminyakeni elitshumi edluleyo.

Kade bekhona abavela kunhlanganiso yeWomen Development Association (HODAZ, yaseGwanda, elamalunga eyedlula inkulungwane ezimbili esigabeni seMatebeleland South.

Umqondisi wayo, uNkosikazi Juliet Nkiwane, uveze ukuba bathole inkulungwane eziyisikhombisa-$7,000.

Uthe imali le izosiza ezigabeni ezintathu kunhlelo zokufuya imbuzi.

UMnumzana Promise Tshabangu, usobhuku oze emele inkokheli yomdabu ye Gwanda, uveze injabulo ngalolusizo olunikezwe amalunga eHODAZ, inengi labo kungabesifazane.

Inhlelo ezithola imali yokuthuthukisa inotho kazulu zitshiyene. Ezinye ngezokugcina imbuzi.
Inhlelo ezithola imali yokuthuthukisa inotho kazulu zitshiyene. Ezinye ngezokugcina imbuzi.

Ophethe uhlangothi lwezemali enhlangnisweni ye Maranantha Orphans Care Trust, eMaphisa, Umnumzana Rodwel Nkobi, uthe limali izobasiza kakhulu ekutholiseni uzulu imfundiso phezu kokuqakatheka kokufuya.

Abewofisi yommeli we Melika bathe bakubone kufanele baqhubeke betholisa lolusizo ngenjongo yokuthuthukisa izigaba elizweni ikakhulu emaphandleni.

Njengenhlalayenza lolusizo lusabalaliswe ilizwe lonke, lwatholiswa inhlanganiso ezikhethwe yizigaba eziyisitshiyagalo lunye.

Lezi ngezibalisa iMatabeleland North, Matabeleland South, Masvingo, Mashonaland West, Mashonaland Central, Mashonaland East, Manicaland, Bulawayo le Harare.

XS
SM
MD
LG