amalinks wokungena

Breaking News

Ummeli weMelika eZimbabwe Uthi Abantu Bathukuthele Ngomumo Oselizweni


Ummeli weMelika eZimbabwe uMnu. Brian Nichols
Ummeli weMelika eZimbabwe uMnu. Brian Nichols

Ummeli weMelika eZimbabwe, uAmbassador Brian Nichols uthi akulanhlelo ezicacayo esezethulwe ngamazwe awezwekazi le Africa okugoqela ele Zimbabwe ukuze ilizwe lakhe labele uncedo lwemali yenhlelo zentuthuko yamabillion angamatshumi ayisithupha amadola -US$60 billion luhlangothi olubona ngentuthuko olwe International Development Finance.

Lokhu kuza ngemva kokuba iphephandaba leHerald lethule udaba oluthi uMongameli Emmerson Mnangagwa uthe eleZimbabwe lala ukwamukela uncedo lolu lwemali yele Melika ngoba isiza ilemigoqo ethile. Lokhu ukutsho emhlanganweni owenzelwa e Mozambique ngenyanga edluleyo.

UNichols phinde wathi ukuhlukunyezwa okwenziwe umpathintambo wezobudlelwano be Zimbabwe lamanye amazwe womhlaba umnumzana Sibusiso Moyo eseLondon kweleBhilithani kuveza ukuthukuthela kwabantu ngokwenzakala elizweni.

Wengeza wathi umonakalo oselizweni udinga ukuthi abantu beZimbabwe kumele bahlale phansi bakhulumisane ukuze balungisise inkinga ilizwe elibhekane lazo, ezifana lokuqonga kwentengo yamafutha ezimotha, intengo yemphahla lokudla, iholo eliphansi elitholwa yizisebenzi lokunye okunengi nengi hatshi ukusebenzisa udlakela ukulungisisa lumumo.

please wait

No media source currently available

0:00 0:01:29 0:00


XS
SM
MD
LG