amalinks wokungena

Breaking News

UMnangagwa Umanyana Labanye Abakhokheli baseAfrica Emfeni kaMagufuli


TANZANIA-POLITICS-DEATH - President John Magufuli funeral

UMongameli Emmerson Mnangagwa umanyane labakhokheli bamanye amazwe aseAfrica ngoMvulo kweleTanzania emfeni kaMnu John Magufuli, obenguMongameli walelolizwe.

UMagufuli ubhubhe ngeviki edluleyo eseleminyaka yokuzalwa engamatshumi ayisithupha lanye.

Emazwini akhe enduduzo, uMnangagwa utshele umbuthano oqhutshelwe esigodlweni seTanzania, iDodoma, ukuthi uMagufuli ubengumkhokheli oqotho njalo obezinikele ekuthuthukiseni inhlalakahle kazulu welizwe lakhe.

Uthe njalo uMagufuli ubengumngane omkhulu weleZimbabwe ngoba ubekhankasela ukuthi izijeziso ezetheswa amalunga eZanu PF ngamazwe angetshonalanga zesulwe.

Abanye abakhokheli baseAfrica abaphatheke kulumbuthano bagoqela owakweleSouth Africa uMnu Cyril Ramaphosa lowaseKenya uMnu Uhuru Kenyatta.

UMagufuli uzabekwa ngoLwesine. Uhulumende welizwe lakhe uthi ubulawe yisifo senhliziyo, kodwa abanye kweleTanzania bakanakena umkhuhlane weCoronavirus.

Ocubungula ezombusazwe uMnu Mbuso Fuzwayo utshele iStudio 7 ukuthi uMnangagwa laye kumele afunde ukuthuthukisa impilo zabantu belizwe lakhe njengoMagufuli.

please wait

No media source currently available

0:00 0:02:44 0:00

UMnangagwa uphenduke eHarare ngoMvulo ntambama sokuzatshaya ihola lesithupha.

Facebook Forum

XS
SM
MD
LG