amalinks wokungena

Breaking News

UMnangagwa Usayina Isivumelwano Sokuthengiselana Phakathi Kwamazwe eAfrica


UMongameli Emmerson Mnangagwa ubambane labakhokheli bamanye amazwe eAfrica ngoLwesibili ekusayineni isivumelwano esesula imigoqo yokuthengiselana phakathi kwamazwe abo.

Isivumelwano seAfrican Continental Free Trade Area lesi sisungulwe ngumanyano weAfrican Union njalo sisayinwe ngamazwe eAfrica ngaphandle nje kweleNigeria emhlanganweni oqhutshelwe eKigali, kweleRwanda.

Eloba enkundleni yeTwitter ngemva kokusayina, uMnangagwa uthe isivumelwani lesi sizakwenza osomabhizimusi beZimbabwe labasakhulayo babe lamathuba amahle okuthengisa impahla zabo kwamanye amazwe aseAfrica.

“Isivumelwano lesi sizakwenza ukuthi ukuthengiselana phakathi kwamazwe atshiyeneyo kube lula,” kutsho uMnangagwa ebhala ekhasini lakhe enkundleni yeTwitter.

“Sinika osomabhizimusi baseZimbabwe labasakhulayo amathuba. Sizimisele ukusisebenzisa ngendlela ezathuthukisa abantu bethu.”

Kodwa ingcwethi ecubungula ezenotho uMnu Rejoice Ngwenya uthe eleZimbabwe okwamanje kalisoze lizithole izithelo zesivumelwano lesi ngoba lingelampahla enengi eliyithengisayo kwamanye amazwe.

please wait

No media source currently available

0:00 0:02:13 0:00

Facebook Forum

XS
SM
MD
LG