amalinks wokungena

Breaking News

UMnangagwa Usuka Lequla Labosomabhizimusi Elilikhulu Elubhekise Kwele China Lapho Azondelwe Khona Ngama China


UMongameli Emmerson Mnangagwa

Umongameli Emmerson Mnangagwa usukile elizweni izolo lequla labosomabhizimusi elifika phose ikhulu labaphathintambo abalitshumi elukbhekise kwele China lapho akhangelele ukuqhubeka ehuga osomabhizimusi ukuthi bazesungula umsebenzi eZimbabwe.

Kodwa uMnangagwa uya kwele China abanye osomabhzimusi balelo lizwe bebophe ubuso ngoluhlu lwabantu abathiwa basusa imali elizweni ngasese.

Ummeli wele China eZimbabwe, uMnu. Zhao Baogang ngoLwesihlanu wazise ukuba ilizwe le China alithathi lula uluhlu lwabetheswa icala leli esithi kungani kungela igama ngitsho lelilodwa lesizalwane seleMelika esetheswa lelicala.

UBaogang uthi kumele uhulumende ahlolisise kakutsha uluhlu lolu ngoba lungayisilo lweqiniso.

Ngenyanga edluleyo uhulumende kaMongameli Mnangagwa wethule uluhlu lwabantu lamankampani ambalwa agoqela izizalwane zakwele China.

UMsakazo we ZBC izolo utshengise uMnangagwa esegcekeni lendizamtshina evaleliswa ngabasekeli bakhe ababili, uMnu. Constantino Chiwengwa loMnu. Kembo Mohadi kunye lenye inkokheli yebandla le Zanu PF.

Facebook Forum

XS
SM
MD
LG