amalinks wokungena

Breaking News

UMnangagwa Uthembisa Ukuthuthukisa iZimbabwe Lokulwisana Lokungethembeki


UMnu. Emmerson Mnangagwa wethula umbiko wakhe weState of the Nation Address eHarare.

UMongameli Emmerson Dambudzo Mnangagwa ngoLwesithathu wethule umbiko wakhe oqakathekileyo wakuqala kuzulu njengomongameli welizwe owe State Of the Nation Address lapho athembise khona ukuqhuba inhlelo ezokuthuthukisa ezokuthengiselana, ukuvuselela ukukhulumisana lamanye amazwe lokunye okufanayo.

Uthembise ukuthi uhulumende wakhe uzalwisana ngamandla lokungethembeki osokuphose kwabhidliza ilizwe leZimbabwe.

Uthe osomabhizimusi kumele behlukane lomkhuba wokukhuphula intengo yempahla mahlayana ngoba befuna ukuthola inzuzo ethe xaxa ngokuphangisa.

Uthembise ukuba uhulumende wakhe uzokwenza konke okusemandleni akhe ukulungisisa inkinga kwezokusilela kwemali elizweni.

Esekhuluma phezu kokungathembeki, uthe makube lophenyo olwanelayo nxa abantu becatshangwelwa ukuthi kathembeki.

Uthe abatholakala belamacala kumele babotshwe njengoba engekho umuntu oqakatheke ukwedlula abanye.

Ukungathembeki uthe kuludubo olukhulu oselunjengempehlane ebuyisela muva ukuthuthukiswa komnotho welizwe.

Udaba Esilethulwe NguMavis Gama
please wait

No media source currently available

0:00 0:03:01 0:00

Kodwa ezinye zezakhamizi zeHarare lengcwethi ezicubungula ezombusazwe zithi zizoyicela isivuthiwe.

Omunye wabo nguMnu. Bekezela Gumbo, oyingcwethi ecubungula ezombusazwe ephansi kwenhlanganiso ye Zimbabwe Democracy Institute.

UGumbo uthe kumele abe yisibonelo uMnangagwa sokwenza lokho ngendlela engelabandlululo lapho bebopha okuthiwa kabathembekanga laba.

Osakhulayo uLeopold Munhende uthe akasuthiswa yinkulumo kaMnangagwa ngoba akufunayo yena labanye abentanga yakhe yikuzwa ukuba kuyini okwenziwa kulabo abatholakale belamacala wokuqhuba umsebenzi wokungathembeki ngesikhathi sohlelo lwamasotsha olwe Operation Restore Legacy.

Olunye udaba uMongameli Mnangagwa aluthintileyo ngolokulahlekelwa yimali kukahulumende ngenxa yabathengisa impahla ngendlela ezingayisizo kakhulukazi kuhlangothi lwezamatshe aligugu.

Kusenjalo, uMnu. Prince Dubeko Sibanda, omela iBinga North edale lephalamende, engowebandla leMDC-T utshele uSithandekile Mhlanga weStudio 7 ukuthi ibandla lakhe lizakholwa ngokubona ukuthi umongameli Mnangagwa uzakufeza na akuthembisayo.

Ingxoxo LoMnu. Prince Dubeko Sibanda
please wait

No media source currently available

0:00 0:07:16 0:00

Facebook Forum

XS
SM
MD
LG