amalinks wokungena

Breaking News

UMnangagwa Uxotsha uDokora Umsebenzi


Emmerson Mnangagwa is sworn in as Zimbabwe's president in Harare

UMongameli Mnangagwa seguqule idale labaphathintambo bakahulumende wakhe waxotsha obengumphathintambo wezemfundo yaphansi uMnu Lazarus Dokora yena oselesikhathi esolwa kakhulu ngababalisi labazali.

Embikweni okhitshwe ngumabhalane osebenzela ehofisini yakhe, uDr Misheck Sibanda, uMnangagwa uthe osethethe isikhundla sikadokora ngumnu paul mavima, yena obengumsekeli kaDokora.

Ukhiphe njalo obengumphathintambo wendaba zezisebenzi usikhwicamfundo Clever Nyathi wafaka uNkosikazi Petronella Kagonye.

UNyathi yena, loMnu Christopher Mutsvangwa kanye loMnu Joshua Malinga sebengabacebisi bakaMnangagwa.

please wait

No media source currently available

0:00 0:03:07 0:00

UMutsvangwa ubengumphathintambo obona ngokwethulwa kwemibiko kuCabinet eyethulwe nguMnangagwa ngoLwesine.

Kodwa wenze inguquko le ngoba ubephule umthethosisekelo ngokukhetha abantu abangayisiwo malunga edale lephalamende abayisitshiyagalombili ukuba ngabaphathintambo.

Umthetho umvumela abahlanu kuphela.

Ababalisi labazali bamukele ukuxotshwa kukaDokora ngenjabulo.

“Siyakwamukela lokhu njalo sikubona kuyinto enhle ezadala ukuthi imfundo yeZimbabwe ithuthuke,” kutsho isiphathamandla senhlanganiso yababalisi iProgressive Teachers Union of Zimbabwe, uMnu Vusumuzi Mahlangu.

Facebook Forum

XS
SM
MD
LG