amalinks wokungena

Breaking News

Izizalwane zeZimbabwe Zithi Kuzaba Nzima Ukuthi uMnangagwa Amukelwe kuAU


Africa Union

Inhlanganiso yamazwe aweAfrica eyeAfrican Union ikhangelelwe ukuba lomhlangano wenkokheli zamazwe abensundu oweOrdinary Session of the Assembly of the Heads of State and Government of the African Union yonale inyanga kaZibandlela mhla ka 28 lo 29 kweleEthiopia.

Umongameli Emmerson Mnangagwa emhlanganweni owe World Economic Forum (WEF)
Umongameli Emmerson Mnangagwa emhlanganweni owe World Economic Forum (WEF)

Esuka eDavos, uMongameli Mnangagwa ukhangelelwe ukuyangena umhlangano wakhe wakuqala eEthopia ngemva kokuhluthunelwa intambo zombuso kowayengumongameli uMugabe obephiwa inhlonipho enkulu yile inhlanganiso.

Izizalwane zeZimbabwe zona zithi loluhambo luqondile kodwa kuzakuba ngumqanso ukuba uMnangagwa amukelwe yilabo abakade belobudlelwano loMugabe ngoba emhluthunele umbuso esebenzisa ibutho.

Isakhamuzi sakoBulawayo uNkosikazi Monica Ncube uthe okumqoka yikuthi lokho uMongameli azafika akutsho uzakulandela na esephenduke ekhaya.

UMfundisi Whiteman Moyo webandla lenkonzo ele Greater Works International, uthi umsebenzi kaMnangagwa mukhulu kakhulu njalo ilizwe lisalelwe yisikhathi esifitshane ukuya ekhethweni.

Esigodlweni somanyano oweAfrican Union
Esigodlweni somanyano oweAfrican Union

Evumelana loMoyo, uNkosazana Abigail Mupambi olwela amalungelo oluntu ngaphansi kwenhlanganiso yeThis Constitution uthi uMongameli kumele asebenze gadalala abone ukuba ilizwe liyavuka.

Isakhamuzi sePlumtree uMnunznana Thamani Ncube uthi kubalulekile ukuya kukaMongameli eEthopia kulapho abantu abakhangelele ukubona isimilo sakhe njalo iAU ayila mandla ekuguquleni inkinga ezibhekane leZimbabwe.

UMnunzana Muhle Masuku uthi uMnangagwa uzabhekana lobunzima bokwamukelwa ngamalunga eAU ngoba bebelobudlelwane obukhulu loMugabe.

UAmbassador Never Bonde uyaluthakazelela loluhambo kodwa ufisa ukuba uMongameli akhulume ngokuguquka komumo womkhathi.

Lokhe engene embusweni uMnangagwa usethekelele amazwe awezwekazi leAfrica abalisa i Angola, Namibia, Mozambique, South Africa le Zambia emizameni yokukhulumisana lalamazwe mayelana lombuso wakhe lamabhizimusi kunye lokhetho oluzayo. Sikhuluma kanje usemhlanganweni wezokuthuthukiswa kwenotho emazweni womhlaba edolobheni leDavos kweleSwitzerland owe World Economic Forum okuluhambo lwakhe lwakuqala emazweni aweEurope.

Udaba lokuya kukaMnangagwa emhlanganweni weAU siluphiwa nguAnnahstacia Ndlovu
please wait

No media source currently available

0:00 0:05:50 0:00

Facebook Forum

XS
SM
MD
LG