amalinks wokungena

Breaking News

UMnangagwa Uzakutsho Namuhla Ukuthi Ilizwe Selivulwa Na Kumbe Hatshi


President EMMERSON MUNGAGWA

UMongameli Emmerson Mnangagwa ukhangelelwe ukwethula umbiko ngoMvulo esazulu uzulu ukuthi ilizwe selivulwa na kumbe liyaqhubeka livaliwe phezu komkhuhlane weCovid-19.

Kunakanelwa ukuthi uMnangagwa izayeketheisa eminye imigoqo ngoba inani lababanjwa umkhuhlane lo kanye labafayo selehlile kulezinsuku.

Kuthange layizolo ekekho ngitsho loyedwa obhubhuleyo ngenxa yeCoronavirus. Abafunyanwe belawo izolo bangamatshumi amathathu lanye.

Asebebanjwe lumkhuhlane selokhe ufike eZimbabwe nyakenye sebesedlula inkulungwane ezingamatshumi amathathu lasithupha, 36,089. Asebebhubhile sebeyinkulungwane elamakhulu edlula amane, 1,463.

Uhulumende uthi bedlula inkulungwane ezilitshumi lambili, 12,000 abezempilakahle labanye abenza imisebenzi ebalulekileyo kuzulu asebehlatshwe ijekiseni yokuvikela lumkhuhlane.

Kodwa inani leli liphansi ngoba abanengi bayala ukuhlatshwa besithi abayithembile ijekiseni le, yona ephile eleZimbabwe nguhulumende weChina.

Isiphathamandla seBulawayo Vendors and Traders Association uMnu Michael Mdladla Ndiweni uthi amalunga enhlanganiso yakhe alokhe ekhangelele ukuthi uhulumende awaphe usizo awathembisa lona.

please wait

No media source currently available

0:00 0:02:53 0:00

Facebook Forum

XS
SM
MD
LG