amalinks wokungena

Breaking News

Bayakhala Ngombuso kaMnangagwa Owakhethwa Nguzulu Nyakenye


Umongameli Mnangagwa efungiswa ukuqala umsebenzi nyakenye

UMongameli Emmerson Mnangagwa usenelise umnyaka lokhe wafungiswayo ukuthatha intambo zombuso, ngemva kokhetho lwakuqala olwalungancintisi owayengumongameli Robert Mugabe, lokhe eleZimbabwe latholayo uzibuse engekho.

Wathi ekhitshwa embusweni uMugabe, abantu bathaba becabanga ukuthi sokuzaba lenguquko elizweni.

Kodwa umumo oselizweni okwamanje usuveze sobala ukuba awusoze ube ngcono okwesikhashana esifitshane esilandelayo laloba uMugabe engasekho, kusazodonswa nzima okwesikadi eside andubana kulunge.

Abacubungula ezombusazwe kanye labenhlanganiso ezilwela ukulondolozwa kwelungelo loluntu abagoqela oAmnesty International, bathi kukhanya lonyaka kube lokuqonga kwezehlakalo zokuhlukunyezwa, ukuthunjwa, ukubotshwa kanye lokutshaywa kwabantu ngabezomvikela.

Ukuhlaziya loludaba abeStudio 7 baxoxe lengcwethi ecubungula ezombusazwe uMnu. Collins Ncube.

“Umumo elizweni, abanengi ababecabangela ukuba uzoba ngcono phansi kombuso kaMongameli Mnangagwa, awuguqanga lokhe kufana lombuso kowayengumongameli Mugabe. Isotsha litshona ligcwele ndawana yonke lihlukuluza abantu hatshi ukubavikela,” kutsho uNcube.

Kodwa umsekeli kampathintambo wezokwethulwa kwemibiko, umnumzana Energy Mutodi utshele umsakazo weStudio 7 kuhlelo lweShona, ukuthi izijeziso zenotho yizo ezibangela inengi lenkinga ezibhekane leZimbabwe. Uqhubeke, ethi njalo isikhathi sisese sifitshane ukuthi uMnangagwa angabe esefeze zonke izithembiso azenzayo ngakhoke abantu kabamnike isikhathi lethuba lokuthi ake asebenze.

please wait

No media source currently available

0:00 0:02:32 0:00

Facebook Forum

XS
SM
MD
LG