amalinks wokungena

Breaking News

Umncintiswano oweSADC Intermobile Games Uqhutshelwa eHarare


Abakade besemidlalweni eye SADC Intermobile Games
Abakade besemidlalweni eye SADC Intermobile Games

Abamankampani abomakhalekhukhwini esigabeni sangezansi kwezwekazi le Africa – SADC bathi kuqhakathekile ukuba babe lenhlelo zokulondoloza impilakahle yezisebenzi kungakho behlangana minyaka yonke ngalesi sikhathi sePasika selokhu yasungulwayo limidlalo ngomnyaka ka 2013, besiba lemincintiswano ye SADC Intermobile Games ngenjongo yokuqinisa umzimba.

Abakade besemncintisweni oweSADC Intermobile Games
Abakade besemncintisweni oweSADC Intermobile Games

Owalonyaka umncintiswano owenzelwe Reserve Bank Sports Club e Malbereign e Harare ubukhokhelwa ngabenkampani kamakhalekhukhwini eye Econet Wireless phansi kohlangothi lwayo olwe Vitalise Wellness. Ubuyehlukaniswe waba yimihlobo emithathu yemidlalo ebalisa inguqu, ibhola labesifazane lokuqaga i netball kanye le basketball.

Umqondisi weTelecel Zimbabwe umnumzana Nkosana Dube ulandisa ngalimidlalo yokuqinisa umzimba.

“Ukuthola ithuba lokuhlangana umsebenzi kuyasiza ukuba lazane ngcono le cohesion emsebenzini kuyanceda kakhulu kuyanceda ukuqeda I stress”.

U Tungamirai Matongo ngomunye wabasakhulayo ophatheke emdlalweni wenguqu ekuqembu lenkampani ye TelOne. Yena ulandisa ngokuqakatheka kwalemidlalo kibo njengzisebenzi.

“I excecise iqakathekile kakhulu ngoba nxa likhangela ukudla esikudlayo kulezi nsuku kufuna ukuthi umuntu abe ngozinakekelayo kwezokuqinisa imizimba. Isikhathi esinengi kuyabe kufuze ukuthi umuntu enze okungamsiza ukuqinisa umzimba”

Kwasekelwa ngomunye njalo wabadlali abekade bephatheka kulemidlalo, u Bhekisipho Mbambo yena osebenzela inkampani ye Econet.

“Kuqakathekile sibili ikakhulu ezisebenzini ukuthi bengatshoni ingqondo zabo zisemsebenzini sikhathi sonke. Kuyenza ukuthi ukuthi bejabule besenzani yikho singabi lama sports kuphela. Kuyenza ingqondo layo ivuleke kwezinye izinto ezingasi zomsebenzi lobudlelwano obunye sometimes obe business”.

Isiphathamandla seTNM Malawi uMnu. Sebastian Nkosi uthi sekulomahluko selokhu balusungulayo uhlelo oloqinisa umzimba.

“Sathi ngokunanzelela ukuba siyinkampani eyayiqakathekisa ukuthola inzuzo ethe xaxa sakubona kufanele siziqakathekise lazo izisebenzi eziyizo ezenza yenziwe leyo nzuzo. Sakubona kuqakathekile kakhulu ukuthi sinakekele izisebenzi zethu hatshi ngokubatholisa iholo elithe xaxa kuphela kodwa lakusigaba sezokudla kanye lesokuqinisa imizimba yabo. Yikho okwaba yisisusa saloluhlelo”.

Uqhubeke ethi sekulomahluko kundlela izisebenzi ezisebenza ngayo u Nkosi selokhu balusungulayo loluhlelo nyakenye.

Abakade besemidlalweni eyeSADC Intermobile Games
Abakade besemidlalweni eyeSADC Intermobile Games

Le midlalo iqhutshwa kulandelwa isinqumo esathathwa ngomnyaka ka 2009 lapho kwavunyelanwa khona ukuba abamankampani abomakhelekhukhwini lezencingo zokukhulumisana ezwekazi le Africa bamanyane ukuqhuba imidlalo njenendlela yokusungula ubudlelwano obuhle phakathi kwezisebenzi zawo kanye lokusungula nhlelo ezikusekelayo lokho ziqondiswe kuzisebenzi ukulondoloza impilakahle yabo kwezokuqinisa imizimba.

Kungakho abamazwe angezansi lezwekazi leAfrica ephatheka kule imidlalo ikakhulu abasemhlubulweni owe SADC aphatheke kulemidlalo agoqela ele Malawi le Namibia.

Udaba lwemidlalo eye SADC Intermobile Games siluphiwa nguMavis Gama
please wait

No media source currently available

0:00 0:03:01 0:00
XS
SM
MD
LG