amalinks wokungena

Breaking News

Zindala Zombili Emcintisweni weNkezo yeZNA Charities Kudibana iHighlanders leDynamos


Highlanders Bosso

UNdlovu utshele intathelizindaba zemidlalo ngoLwesine emini ukuba umdlalo ababhekane lawo awusoze ubelula ngoba iqembu lakhe leBosso ligcwele abadlali abatsha.

Madinda Ndlovu
Madinda Ndlovu


'Besingazimiselanga kangako ukuthi khona singangena ku final kodwa sokwenzakele sokumele ukuthi khona silungiselele ngemfanelo ukuthi sihambe siyedlala leqembu le Dynamos. Abafana bethu basasebatsha kodwa senza konke okusemandleni ethu ukuba silungiselele ukuthi singathola isicoco sethu sakuqala kodwa ngiyazi kuzakuba nzima loba nje abafana bezimisele ukuyagijima'.
Iqembu le Highlanders lifinyelele ukuyadlala ku final yalonyaka eyomncintiswano we ZNA Commander’s Charities ngemva kokunqoba ele Chicken Inn nge 2 ka 1 ikanti ele Dynamos lona linqobe ele CAPS United nge 1 ka nya.

Zindala zombili ngeSonto phakathi kweDynamos le Highalnders
Zindala zombili ngeSonto phakathi kweDynamos le Highalnders


Umdlali weqembu le Dynamos okhuliswe liqembu le Highlanders uMarshal Machazane uthi bona bazalandela imfundiso abazayiphiwa ngumqeqetshi weqembu lelo uLloyd Mutasa mhla bedibana lele Highlanders ku final.
'Kumdlalo we final sizasebenza silandela ukuba umqeqetshi uthini yikho ke sizangena ku final silandela lokho ayabe esitshele khona ukuba sidlale njani. Yikho lokho engingakutsho kuphela'.
Iqembu elizanqoba ngeSonto lizathola inkulungwane ezilitshumi lanhlanu kuthi elizanqotshwa lizathola inkulungwane ezilitshumi.
Umncintiswano we ZNA Commander’s Charity Shield uyingxenye yenhlelo zebutho leZimbabwe ezokudingela usekelo lwemali izigoga labafelokazi njalo upha ithuba abaqeqetshi bamaqembu aphatheka kuwo elokucolisisa amaqembu abo phambilini kokuqala kwemidlalo yeligi.
Nyakenye iqembu le CAPS United yilo eliphakamise inkezo ngemva kokunqoba ele Highlanders nge 3 ka 2 ngemva kokutshaywa kwembekwa kufinal.

Ezemidlalo siloJoseph Njanji
please wait

No media source currently available

0:00 0:01:45 0:00

Facebook Forum

XS
SM
MD
LG