Uhulumende uthi sethatha amanyathelo okulungisisa inkinga zokusalela komkhono wele Mandebeleni kuntuthuko yelizwe osokubangele ukugunyulwa kwabantu emisebenzini ngobunengi babo.
Umphathintambo wezemali uMnu. Tendai Biti uthi ukusalela kwele Mandebeleni kuntuthuko kusobala njalo uhulumende uzakwenza umhlangano eGwanda ngoLwezi ukwenzela ukuthi udaba lolu lufakwe kubudget yomnyaka ozayo.
Ingcwethi kwezenotho zithi uBiti wenza kahle ukuthi akhulumisane labantu makhaza, osomabhizimusi, inkonzo ezitshiyeneyo lenhlanganiso ezizimele zodwa engakenzi ibudget ka 2012.
Eyinye yalezi ngcwethi uMnu. Masimba Kuchera uthi loba uBiti esenza lokhu angeke athathe imbono yonke ayisebenzise nxa esebumba ibudget yakhe.
