amalinks wokungena

Breaking News

UMnu Charamba Uthi Akulakuxabana Phakathi KukaMugabe LoZuma


Emizameni yokuthoba ukufuthelana okuqhamuke phakathi kweSouth Africa leZimbabwe kulandela ukusolwa kukaMongameli Jacob Zuma nguMongameli Mugabe lamaphephandaba kahulumende, isikhulumeli sikaMugabe, uMnu George Charamba wethule umbiko esithi imbiko ephume ephepheni leSunday Mail ngeSonto ayivezi imicabango kahulumende weZimbabwe.

Iphephandaba leli lihlambaze uZuma lisithi ungumlamulankunzi ongethembekanga. UMugabe laye ngoLwesihlanu uthe uZuma kalalungelo lokutshela iZimbabwe ukuba kumele yenzeni kundaba zombuso wayo.

Lokhu yinto ecunule kakhulu eleSouth Africa, lethula umbiko ligcizelela ukuba lifuna udlakela luphele eZimbabwe kungelani lamazwi kaMugabe lephephandaba leSunday Mail.

UZuma yena uthumele iqula lakhe eZimbabwe ukuyahlangana labamela amabandla akuhulumende womanyano ngoLwesine becanda indlela yokhetho. Ingcwethi ecubungula ezombusazwe uMnu Effie Dlela Ncube utshele iStudio 7 ukuba amazwi kaCharamba kasoze aqede ukufuthalana osokukhona phakathi kukaMugabe loZuma.

XS
SM
MD
LG