amalinks wokungena

Breaking News

UMnu. Jacob Mudenda Webandla leZANU PF Nguye Njalo Osengumlawuli Wedale Lephalamende


Edale leSenate, uNkosikazi Mabel Chinomona owebandla leZANU PF unqobe uMnu. Morgen Komichi owomanyano weMDC Alliance, ethatha isikhundla sokuba ngumkhokheli wedale leSenate.

Isiphathamandla sebandla leZANU PF uMnumzana Jacob Mudenda usephinde wabuyiselwa esikhundleni sakhe sokuba ngumlawuli wedale lephalamende kukhetho olwenzwe edale lephalamende namhlanje enqoba uNkosikazi Paulina Mpariwa owe MDC Alliance, laye oncintise kulesi isikhundla.

UMnu. Mudenda uthole amavoti phose angamakhulu amabili-179, uNkosikazi Mupariwa wathola amavoti angamatshumi ayisikhombisa lesitshiyagalolunye.

Edale leSenate, uNkosikazi Mabel Chinomona owebandla leZANU PF unqobe uMnu. Morgen Komichi owomanyano weMDC Alliance, ethatha isikhundla sokuba ngumkhokheli wedale leSenate.

UNkosikazi Chinomona uthole amavoti angamatshumi amahlanu lambili, uMnu. Komichi wathola angamatshumi amabili lambili.

Umlawuli wedale lephalamende uMnu. Mudenda uthi lelidale lilomsebenzi omkhulu kuminyaka emihlanu elandelayo

Lokhu kusekelwe nguMnu. Settlement Chikwinya owebandla le MDC Alliance.

Umkhokheli wamalunga edale lephalamende awe MDC Alliance, uChief Whip nguMnu Prosper Mutseyami esekelwa ngu Nkosikazi Nomathemba Ndlovu.

UChief whip weZANU PF ngu Mnu. Pupurai Togarepi esekelwa ngu Mnu. Obedingwa Mguni lo Senator Tsitsi Muzenda ku Senethi.

Ozabe ekhokhela i MDC Alliance ku Senate ngu Mnu Elias Mudzuri esekelwa ngu Mnu Morgan Komichi.

UNkosikazi Thabitha Khumalo ukhethwe yi MDC Alliance ukuba ngomkhulu we bandla eliphikisayo edale lephalamende.

please wait

No media source currently available

0:00 0:02:33 0:00

XS
SM
MD
LG