amalinks wokungena

Breaking News

UMnu Malandu Ukhitshwa kuRemand


Ummeli weInsiza South edale lephalamende uMnu Siyabonga Malandu Ncube ukhitshwe ku-remand ngoLwesibili ngumantshi obethonisa icala lakhe kulandela isicelo sakhe sokuba udaba lwakhe luhluzwe lidale leSupreme Court.

UMalandu wetheswa icala lokuthelela intathelizindaba uNkosikazi Simiso Mlevu igciwane leHIV, lona elibangena umkhuhlane wengculazi. Kodwa uyalilandula lelicala.

Amagqwetha akhe akhweze udaba lolu eSupreme Court ngeviki edluleyo esithi afuna lulahlwe ngoba kungelamthetho uMalandu angathoniswa phansi kwawo.

UMalandu utshele iStudio 7 ukuthi uyajabula ngokukhitshwa kwakhe ku-remand, wathi sekhangelele ukummangalela iphephandaba leChronicle loMlevu ngecala lokungcolisa igama lakhe.

XS
SM
MD
LG