amalinks wokungena

Breaking News

UTsvangirai Ulandula Imbiko Ethi Impilakahle Yakhe Isikusimo Esibi Kakhulu


Prayer meeting

Impilakahle kamongameli webandla le MDC-T ibikwa isikusimo esibi eSouth Africa lapho ayelatshwa khona umkhuhlane wemvukuzane. Iphephandaba leNewsday lithi uMnu. Morgan Tsvangirai usesehluleka khona ukukhuluma.

Leliphendaba lithi uTsvangirai ubemele akhulumisane labanye bakhe ecingweni kwenziwa umhlangano kodwa kasenza lokhu ngenxa yokuthi kenelisi ukukhuluma.

Kodwa ekhuluma enkundleni yokuxhumana eye Twitter, uTsvangirai ulandule ukuthi usegula kakhulu wathi elokhu eselatshwa kodwa uyeza ekhaya kunsukwana ezilutshwana ezilandelayo.

Lokhu kwenzakala abenhlanganiso ye MDC Veterans Activists Association ebandleni le MDC T, benze umhlangano wokuthandazela umkhokheli u Tsvangirayi.

Amalunga alinhlanganiso kunye labafundisi abavele kumabandla ehlukeneyo ezokholo lwesiKhristu, bekhokhelwa ngmfundisi Lawrence Berejena, bebecula ingoma zokucela umdali ukuba angenele kwezokugula kuka Tsvangirayi.

Umkhosi lo wenzelwe esigodlweni sebandla e Harvest House. Umfundisi Berejena utshele lumsakazo ukuba bakubone kufanele baqhube lumthandazo ngoba kunguNkulunkulu kuphela olamandla wokwelapha lokusilisa abagulayo.

UBerejena uthi ngumsebenzi wamakholwa labafundisi ukuthandazela inkokheli elizweni ukuze balandele indlela yebhayibhili.

Berejena wengeze esithi ilizwe likulesi simo nje kungoba inengi yenkokheli kwezokholo iphambuke kumsebenzi wayo wokukhokhela kikho konke okwenzakala elizweni okubalisa inkokheli yelizwe.

Omunye wabakhokhele ekuqoqweni kwalombuthano ngunkosikazi Trainer Ruzvidzo, yena ongumgcinisihlalo wezenhlalakahle enhlanganisweni ye Veterens Activists Association ( National Secretary for Welafare ).

Unkosikazi Ruzvidzo ulandise phezu kwalomkhosi ngalombuthano.

U Apostle Manners Moyo webandla lezokholo ele Wave of Grace Apostolic Mission ese Harare laye uphe imbono yakhe.

U Moyo uthi lokho abakwenyzayo kusekelwa ngumbhalo ukuba babothandazela inkokheli zelizwe lapho into zimi kuhle kakhulukazi nxa zimi manzonzo.

Abanye babangene lumhlangano yinkokheli yeMDC-T ebalisa umsekeli kamgcinisihlalo, uMnu. Morgan Komichi, omela iMfakose edale lephalamende, unkosikazi Paurina Mupariwa labanye kanye lamalunga emhuli yakoTsvangirayi ebalisa umfowabo uManase.

Abafundisi abaze kulomkhosi bona babalisa Casbert Makore we Adonai Ministries, u Watson Furayi, u Muroyiwa, uDouglas Mambure, u Apostle Manners Moyo, u Bishop Lovemore Sithole, u Bihop White kanye lomfundisi Lawrence Berejena onguyena obekhokhela lumthandazo.

UTsvangirai nguye njalo owakhethwa ukukhokhela umanyano wamabandla ayisikhombisa othiwa yi MDC Alliance.

please wait

No media source currently available

0:00 0:02:48 0:00

Facebook Forum

XS
SM
MD
LG