amalinks wokungena

Breaking News

UMnu Ncube Usola uTsvangirai LoMugabe

  • Ntungamili Nkomo

Umkhokheli weMDC uMnu Welshman Ncube sesole uMongameli Mugabe lenhloko kahulumende uMnu Morgan Tsvangirai ngokuthatha izinqumo ezimqoka eziphathelane lohulumende womanyano bengakhulumisananga laye.

Ekhuluma lentathelizindaba ngoLwesithathu, uNcube uthe ngokwenza lokhu, uMugabe loTsvangirai bephula isivumelwano seGPA kanye lezinqumo zeSadc, yona eyathi ababili laba kumele benze imihlangano kahulumende loNcube hatshi loMnu Arthur Mutambara.

UNcube wethule amazwi la ngemva kokuhlangana lequla likaMongameli Jacob Zuma, lona elilande ukuzokhulumisana logatsha lweJomic ngokuphathelane lohulumende womanyano.

UMnu Ncube wengeze wathi uMugabe loTsvangirai bakhanya sebehluthunele abammeli bamabandla umlandu wokucanda umhlahlandlela wokhetho, okuyinto athi iSadc kumele iyimise.

Ukuhlaziya loludaba sixhume ingcwethi kwezombusazwe uMnu Effie Dlela Ncube yena othi okwenziwa nguMugabe loTsvangirai yinto embi kakhulu.
please wait

No media source currently available

0:00 0:02:14 0:00
Lapho esitholakala khona
XS
SM
MD
LG