amalinks wokungena

Breaking News

UMnu. Pence loNkosikazi Harris Bajikelana Aqatha Kungxoxo-Mpikiswano Eqhutshwe ngoLwesithathu Ebusuku eMelika


UNkosikazi Kamala Harris loMnu. Mike Pence

UMnu. Pence uke wangenela kunkulumo kaNkosikazi Harris engakaqedi lanxa kungabanga lengxabangxoza njengalokho okwenzakala kungxoxo-mpikiswano edluleyo phakathi kuka mongameli Trump loMnu. Biden ababephazamisana okungapheliyo.

Umsekeli kamongameli weMelika uMnu. Mike Pence udibane kungxoxo-mpikiswano ngoLwesithathu ebusuku loNkosikazi Kamala Harris webandla lama Democrats, owakhethwa ukusekela uMnu. Joe Biden enganqoba kukhetho lokudinga umongameli izolo ntambama eMelika, lapho abachothozane khona ngendlela abaqhuba ngayo inhlelo zelizwe.

Ingxoxo mpikiswano le iqhutshelwe edolobheni leLake City eUtah, njalo ifana laleyo eyayiphakathi kukaMnu. Biden lomongameli Donald Trump, owebandla lamaRepublicans, abazancintisana kukhetho lokudinga umongameli ngenyanga ezayo.

UNkosikazi Harris, owebandla lamaDemocrats, uchothoze umongameli Trump loMnu, Pence ngathi yikungatsheli abantu beMelika iqiniso ngomkhuhlane weCOVID 19 kusukela uqhamuka ekuqaleni kwawonalo umnyaka kuze kube namuhla. Ugcizelele wathi umongameli Trump uyaphambanisa ngokungagqoki i mask yokuvikela ukumemetheka kwaleligcikwane, njalo kalacebo lokulungisa loludaba okwenza uhulumende wakhe abe ngowokuqala owehluleka ngaloluhlobo kumbali yeMelika

UMnu. Pence uthe uhulumende wakhe useqhube inhlelo ezifana lokuhlola abantu abanengi igcikwane leCOVID 19, kanye lokuzama ukudinga ijekiseni ye vaccine eyokulwisana laleligcikwane. Uthe uMnu. Biden wehluleka ukubalenhlelo ezilohlonzi engumsekeli kamongameli ngomnyaka ka 2009 lapho kulomkhuhlane womvimbano oweSwine Flue, lakwezinye inhlelo.

UNkosikazi Harris uncome uMnu. Biden ngokuthi inhlelo zakhe zigxile kwezokuthuthukisa abantu abaswelayo kodwa umongameli Trump uthuthukisa izinothi.

UMnu. Pence uphendule wathi umnotho welizwe sowathuthuka njalo badala imsebenzi eminengi selokhe umongameli Trump wathatha intambo zombuso. Ugcizelele amazwi kamongameli Trump awokuthi uMnu. Biden uzabuyisela inhlelo lezi emuva.

UNkosikazi Harris uthe uMnu. Joe Biden uzadala imisebenzi eminengi okwedlula umongameli Trump njalo ehlise umthelo wabahola imali eyingcosana.

Kwezamalungelo abantu abansundu abahlala eMelika, uNkosikazi Harris usole ukubulawa kukaNkosazana Breonna Taylor ngamapholisa, okwavela ukuthi kwakuliphutha ngoba emsulwa. Kodwa uMnu. Pence uthe lanxa ekusola lokhu akufanelanga abantu benze udlakela nxa betshengisela besola amapholisa.

UMnu. Pence uke wangenela kunkulumo kaNkosikazi Harris engakaqedi lanxa kungabanga lengxabangxoza njengalokho okwenzakala kungxoxo-mpikiswano edluleyo phakathi kuka mongameli Trump loMnu. Biden ababephazamisana okungapheliyo.

Ingxoxo le ibilawulwa nguNkosazana Susan Page intathelizindaba ye USA Today obegcizelela ukuthi ababili laba bakhulume okwemizuzu embili kuphela njalo bengaphazamisani.

Baphikisane ngokunye okugoqela ukuguquka komkhathi, ubudlelwano leleChina, lele Russia, ukulwisana lamalwecatsha esi Moslem edlulisa amalawulo, okuphathelane lamalungelo okukhupha izisu, okwezemithetho, kanye lenhlelo zokuphathwa kwabantu abavela kwamanye amazwe ama immigrants.

Bekulomduli owenziwe ngengilazi ye plexigalss, obusehlukanisa uMnu. Pence loNkosikazi Harris ukwenzela ukwenqabela ukuthelelwana kwegcikwane leCOVID19, njalo uNkosazana Page uqale ngokubonisa abantu ukuthi abakade bekulumbuthana bebethethe amanyathelo okuzivikela kuleligcikwane.

Ukuhlaziya loludaba, sixoxe loMnu. Mandla Mkhwananzi ingcwethi ecubungula ezombusazwe ohlala edolobheni leOhio khonapho eMelika.

Kukhangelelwe ukuthi ingxoxo mpikiswano kamongameli Trump loMnu. Biden iqhutshwe ngevikie ezayo.

please wait

No media source currently available

0:00 0:06:46 0:00


Facebook Forum

XS
SM
MD
LG