amalinks wokungena

Breaking News

Umongameli Donald Trump: Angisoze Ngigoqe Izandla Udlakela Luqhubeka Elizweni


Umongameli Donald Trump weleMelika
Umongameli Donald Trump weleMelika

Ingxabanxoza lodlakela lokutshengisela kwabeMelika besola ukubualawa mahlayana konsundu uGeorge Floyd ngamapholisa amhlophe esigabeni seMinesotta, ingene kusuku lwesikhombisa namhlanje.

Ukutshengisela lokhu okuqhamuke elizweni lonke kuqale kusenziwa ngokuthula kodwa ensukwini ezisanda kwedlula luqale ukuba lodlakela abantu betshisa lokugqhekeza ezitolo bethatha imphahla. Lokhu kubangele ukuba uMongameli Donald Trump weMelika egthule umbiko othi usethatha amanyathelo wokuthumela amasotsha labezomvikela bonke ukuyachitha lobu budlwangu ndlwangu obenzakalayo elizweni.

Ekhuluma ngaloludlakela uMongameli Trump uthe wafunga ukuvikela umuntu wonke wase Melika lapho ethatha isikhundla sokuba ngumkhokheli waleli lizwe, esithi lanxa engela nkinga ngabatshengiselayo ngokuthula, kubaludubo nxa sokungenela abanye abantu abatshisa izitolo begqekeza bethatha imphahla.

“Uzulu wonke weMelika uthinteke kakubi ngokubulawa ngesihluku okwenziwe uGeorge Floyd. Uhulumende wami uzinikela ukuthi imuli kaGeorge, ithole usekelo kwabomthetho. Akasoze abulawelwe ize. Kodwake singazake savumela ukukhala kwabantu abatshengisela ngokuthula ukuba kungenelwe ngabanye abantu abalomona abalezabo injongo zokuhlukuluza izizalwane zakuleli ezithanda ukuthula. Yikhoke mina njengomongameli wenu ngizolivikela, ngizolwela ukuthi livikelwe ngimanyene lalabo abasebenzisa ilungelo labo lokutshengisela ngokuthula.”

UMongameli Donald ekhuluma ngokutshengisela okuseMelika
please wait

No media source currently available

0:00 0:01:07 0:00


Kunjalo nje abeZimbabwe abalwela ilungelo loluntu batshayela ihlombe intsha yeMelika, ngokumanyana betshengisela emadolobheni atshiyeneyo alelozwe, besola ukubulawa ngesihluku konsundu uGeorge Floyd, ngamapholisa amhlophe esigabeni seMinneasota.

Omunye wabo nguNkosazana Tanya Chiriseri, isizalwane seZimbabwe esihlala edolobheni leNew York, eMelika. U-Tanya uthi njengosakhulayo, okwenziwa ngabatsha baleli lizwe kuyajabulisa ngoba kuveza ukumanyana kwabo ekuthini kube lenguquko elizweni edabeni lokuphathwa kwabensundu ngamapholisa.

UNkosazana Tanya Chiriseri
UNkosazana Tanya Chiriseri


"Mina ngokwami ngibona ngani yinto elungileyo kakhulu, nxa abantu besukumela phezulu bekhuluma, bebizela phezulu inguquko, lokuthi abantu bezwisise ukuthi akusela ndawo evumela i-space yeracism and mina kuyangithabisa kakhulu uma ngibona abontanga besukumela phezulu endabeni ezinje," kutsho uChiriseri.

Ingxoxo esiyenze lo Tanya Chiriseri
please wait

No media source currently available

0:00 0:03:01 0:00

XS
SM
MD
LG