amalinks wokungena

Breaking News

UMongameli Masisi Uyangena, oSenator beMelika Bayaphuma


UMongameli weleBotswana uMnu Mokgweetsi Masisi uzakwethekelela eZimbabwe ngoMvulo ukuyahlangana loMongameli Emmerson Mnangagwa.

UMasisi ungene kulesisikhundla mhlaka 1 kulinyanga ngemva kokutshiya umbuso kukaMnu Ian Khama.

UMasisi loMnangagwa bakhangelelwe ukukhulumisana ngobudlelwano phakathi kwamazwe womabili, obugoqela kugatsha lwezokuthengiselana.

UMnangagwa yena uke wethekelela kweleBotswana kumalanga edluleyo kusabua uKhama.

Kusenjalo, isiphathamandla esibona ngobudlelwano phakathi komanyano weEuropean Union lamanye amazwe uMnu Neven Mimica ufike eZimbabwe ngeSonto.

UMnu Mimica uthi ulande ukuzekhulumisana lezicukuthwana zikahulumende kaMngangagwa yena ongene embusweni jngemva kokugenqulwa kukaMnu Robert Mugabe libutho.

Kolunye njalo udaba, iqula lamalunga edale lephalamende laseMelika ebeliseZimbabwe lihlaziya umumo wezombusazwe ligqibe uhambo lwalo ngeSonto.

Leliqula lihlangane loMongameli Mnangagwa kanye labakhokheli bamabandla aphikisayo abagoqela uMnu Nelson Chamisa loMnu Welshman Ncube.

Abakhokhela leliqula nguSenator Chris Coons olilunga lebandla lamaDemocrats loSenator Jeff Flake owebandla elibusayo elamaRepublicans.

Facebook Forum

XS
SM
MD
LG