amalinks wokungena

Breaking News

UMongameli Mnangagwa Uhlangana loMongameli weleChina, uMnu. Xi Jinping, Kulokufuthelana Kwamazwe Womabili


UMongameli wele China uMnu. Xi Jinping
UMongameli wele China uMnu. Xi Jinping

UMongameli Emmerson Mnangagwa ukhangelelwe ukuhlangana lomongameli wakwele China uMnu. Xi Jinping bexoxisana ngendaba eziphathelane lobudlelwano be China le Zimbabwe.

UMnangagwa uzaqhubeka ngemihlangano yakhe leziphathamandla zakweleChina kanye labosomabhizimusi bakulelo lizwe emizameni yokubahuga ukuthi bazetshala izimali zabo eZimbabwe.

Iphephandaba le The Herald lithi kulamankampani ambalwa awe China aselobelane izivumelwano lawe Zimbabwe ezemali edlula izigidi ezingamakhulu amahlanu, i$500 million.

Kodwa langesikhathi sikaMnu. Robert Mugabe kwalotshelwana izivumelwano ezezigidi lezigidi kodwa akula okubambekayo okwaphumayo.

UMnangagwa ufike eBeijing ngoMvulo ehamba lequla elilabaphathintambo abalitshumi abagoqela owezemali uMnu Patrick Chinamasa labosomabhizimusi abangamatshumi ayithoba minwe mibili.

Uhambo lwakhe luza ngemva kokuba uhulumende weZimbabwe ethule amagama abantu athi babegcine imali ngokungekho emthethweni phandle kwelizwe abagoqela izizalwane zakweleChina.

Loku kucunule kakhulu uhulumende waseChina.

Ngokunjalo, umbuzo omkhulu ngothi kambe uMnangagwa uzakwamukelwa njani nguhulumende weChina labosomabhizimusi bakulelozwe? Sixoxe lengcwethi kwezombusazwe uMnu Dumisani Nkomo.

"Ya, laphana uhulumende waveza ubutshapha kakhulu ngoba abantu abanengi laphana abaku list leyana nxa sicubungula kakhulu siyathola ukuthi abephulanga mthetho," kutsho uNkomo.

please wait

No media source currently available

0:00 0:02:32 0:00

XS
SM
MD
LG