amalinks wokungena

Breaking News

UMongameli Mnangagwa Ukhangelelwe Ukuphatha Udaba Lwezijeziso Zenotho Emazwini Azawethula Emhlanganweni weUNGA


UMongameli Emmerson Mnangagwa

Umongameli Emmerson Mnangagwa uzakwethula amazwi akhe emhlanganweni weUnited Nations General Assembly ngoLwesithathu lapho akhangelelwe ukusola khona izijeziso zenotho athi ziphazamisa inhlelo zikahulumende wakhe.

Kodwa ezinye izizalwane zeZimbabwe ezihlala eMelika zithi aziboni izijeziso lezi zisuswa ngamazwe afana leMelika lomanyano weEuropean Union ngoba uhulumende kaMnangagwa eqhubeka ngokwephula amalugelo.

Bathi umzekeliso osobala ngokaDokotela Peter Magombeyi yena othunjwe wahlukuluzwa njalo osevinjwa ngamapholisa ukuthi aphume eZimbabwe ayekwelatshwa kweleSouth Africa.

Esinye isizalwane seZimbabwe uMnu. Nkosi Ndebele uthi lanxa efuna izijeziso zesulwe, kaboni iMelika lamanye amazwe bekwenza lokhu ngoba kukunengi okubi okwenziwa nguhulumende kaMnangagwa.

Esinye njalo isizalwane seZimbabwe uMnu. Jabu Moyo laye uthi umbuso weZimbabwe omubi yiwo owenza izijeziso ziqhubeke zikhona.

UMoyo uthi umbuso kaMnangagwa ukhanya ungatshiyananga lowabusa okweminyaka phose amatshumi amane, uMnu. Robert Mugabe.

Kodwa isiphathamandla seZanu PF eMelika uMnu. Frenk Guni uyakulandula lokhu esithi uMnangagwa wehlukene kakhulu loMugabe.

UGuni uthi uMnangawa kuzamele aluphathe kabanzi udaba lwezijeziso ukuze zesulwe iZimbabawe yenelise ukuvuselela umnotho wayo.
Lo ngumnyaka wesibili umnu mnangagwa ekhuluma emhlanganweni weUnited Nations General Assembly njengomongameli weZimbabwe ngemva kokuhluthunela uMugabe intambo zombuso exhaswe libutho.

please wait

No media source currently available

0:00 0:05:24 0:00

Facebook Forum

XS
SM
MD
LG