amalinks wokungena

Breaking News

UMongameli Mnangagwa Uxwayisa eleMelika Ukuba Lesule Izijeziso Zenotho Ngokuphangisa


UMongameli Emmerson Mnangagwa esemkhosini wokukhankasela ukwesulwa kwezijeziso eNational Sports Stadium
UMongameli Emmerson Mnangagwa esemkhosini wokukhankasela ukwesulwa kwezijeziso eNational Sports Stadium

Umongameli Emmerson Mnangagwa ukhuthaze uhulumende weMelika ukuthi esule izijeziso zomnotho azethesa eleZimbabwe kungela migoqo. Utshele abeMelika ukuba izijeziso lezi seziphazamisa inhlakahle kazulu kizo zonke inhlangothi.

Inengi labantu kabazihluphanga ukuphatheka kulumkhankaso wokuthi zesulwe izijeziso zomnotho ezetheswa ezinye iziphathamandla zeZanu PF kwabizelwa ngabenhlanganiso ye SADC.

Umkhokheli wenhlanganiso yamakholwa esiMoslem eye Supreme Council of the Islamic Affairs in Zimbabwe, uSheik Ishameil Duwa obekhona laye emkhosini wanamhla.

Umsekeli kamphathintambo wezomvikela umnumzana Victor Matemadanda uncome isinqumo esithethwe yiSADC ukubasekela.

U Matemadanda uthi zingesulwa kuzakwenza benelise ukulwisana lenkohlakalo.

Kwasekelwa ngumphathintambo wogatsha lwezamabhizimusi amancinyane lokuthuthukiswa kwawo unkosikazi Sithembiso Nyoni yena osole kakhulu bonke ababeka uhulumende webandla le Zanu Pf umlandu wokucatsha ngodaba lwezijeziso.

Umphathintambo wogatsha lwezemali lokuthuthukiswa komnotho welizwe uProffessro Mthuli Ncube laye uthi uvumelana lomongameli welizwe kunkulumo yakhe yokuthi zisuswe ngokushesha lezo zijeziso ezabekelwa iZimbabwe.

Bebekhona labameli bamazwe angezansi lezwekazi le Africa abagoqela owe South Africa, umnumzana Mphakama Mbete.

Isikhulumeli enhlanganisweni ye Broad aLLIANCE AGAINST sanctions engunye njalo wabasungula linhlanganiso unkosazana Sally Ngoni uthi kuyabajabulisa ukuthi usungenelwe ngabenhlanganiso ye SADC umkhankaso abekade bengawo wokuthi zisuswe izijeziso ezabekelwa eleZimbabwe.

Lumkhosi uqale ngokufola abekade bephatheke kibwo besuka endaweni eyetheswa igama lokuthi Robert Gabriel Mugabe Square ngabebandla le Zanu Pf njalo bekukhokhelwa ngomka mongameli unkosikazi Auxillia Mnangagwa yena ofole waze wayafika enkundleni ye national Sports stadium.

Abaphatheke kulokhu kufola kuqalele endaweni ye Robert Mugabe Square obekukhokhelwa ngumkamongameli unkosikazi Auxillia Mnangagwa yena obekhatshwe ngumphathintambo wogatsha olubona ngezamabhizimusi amancinyane lokuthuthukiswa kwawo olwe Small and Medium Enterprises Development unkosikazi Sithembiso Nyoni.

Abebandla le MDC elikhokhelwa ngumnumzana Nelson Chamisa bona kabazihluphanga ukuzaphatheka besithi uzulu weZimbabwe ubayangisile abeZanu PF ngokungabuyi kulomkhosi.

Abezokholo abaze kulomkhosi ngabohlangothi lwesipostori kanye labe Zion Christian Church.

Abacebisi bakamongameli ngaphansi kwe Presidential Advisory Council – PAC labo bebengekho.

udaba lokutshengisela ngezijeziso eHarare siluphiwa nguMavis Gama
please wait

No media source currently available

0:00 0:04:32 0:00
XS
SM
MD
LG