amalinks wokungena

Breaking News

UMongameli Mugabe Usola Udlakela Aphinde Alutshotshozele


UMongameli Robert Mugabe sekhuthaze abasakhulayo beZanu PF ukuthi bajezise kabuhlungu abanye babo abahamba behlukuluza uzulu ngegama laleli bandla.

Ekhuluma emhlanganweni awenzele eLupane ngoLwesihlanu, uMugabe uthe iZanu PF libandla elikhuthaza ukulondoloza ukuthula; ngakho uthe kafuni kuzwa ngodlakela.

Ukhuthaze abasakhulayo baleli bandla ukuthi bavote ngobunengi kukhetho oluzayo.

Amazwi kaMugabe alandela ukutshiswa kwebhizimusi lesiphathamandla seMDC-T, uMnu. Elias Mudzuri, ngabantu abanakanela ukuthi ngabasekeli beZanu PF eHarare.

Umabhalane obona ngokuqoqwa kwenhlelo zeMDC-T, uMnu. Abednico Bhebhe, utshele iStudio 7 ukuthi amazwi kaMongameli Mugabe ayize nje ngoba ibandla lakhe lisaziwa ngodlakela.

Umkhokheli weMDC-T, uMnu. Morgan Tsvangirai, yena uhlangane leziphathamandla zebandla lakhe koBulawayo lapho asole khona udlakela athi lumemethekiswa yiZanu PF.

UTsvangirai uthe ibandla lakhe lisebenza nzima emizameni yokubumba umanyano wamabandla aphikisayo azangena kukhetho oluzayo ebambene.

Uthembise abasakhulayo njalo ukuthi bazaphiwa amathuba okuncintisa ezikhundleni eziphezulu.

Ngakolunye uhlangothi, owesifazana osakhulayo olwela amalungelo oluntu uNkosazana Vimbaishe Musvaburi uthi uzancintisa kukhetho lokudinga ummeli weBulawayo South edale lephalamende ngo1018 elilunga elizimeleyo.

Omela lesisigaba okwamanje nguMnu. Eddie Cross owebandla leMDC-T.

please wait

No media source currently available

0:00 0:02:02 0:00

Facebook Forum

XS
SM
MD
LG