amalinks wokungena

Breaking News

UMongameli Mugabe Uthuka Amazwe Aphetsheya Emngcwabeni kaMuzariri


Umongameli Robert Mugabe uphindile njalo ukutshela abamazwe entshonalanga abalisa i Bhilithani, iMelika kanye lawomanyano we European Union ukuba makehlukane lomkhuba wokufuna ukungenela kwezombusazwe zezimbabwe ngoba bengelani lazo.

Umongameli Robert Mugabe uphindile njalo ukuthuka abamazwe angentshonalanga abalisa i Bhilithani, iMelika kanye lawomanyano we European Union ukuba makehlukane lomkhuba wokufuna ukungenela kwezombusazwe zeZimbabwe ngoba bengelani lazo. Kubika intathelizindaba yeStudio 7 uMavis Gama.

Kusenjalo, amacele womabili e MDC, wona abikwa abengekho emngcwabeni lo, asole amazwi kaMugabe esithi kumele azihluphe ngokuqeda udlakela oluse lizweni kulokuthethisa amazwe aphetsheya.

Umsekeli wenhloko kahulumende uMnu. Arthur Mutambara, ubekhona kulumbuthano ehlezi duzane loMugabe.

UMnu. Nhlanhla Ncube, umsekeli wesikhulumi secele le MDC elikhokhelwa nguMnu. Welshman Ncube usole amazwi kaMugabe lendlela amaqhawe elizwe akhethwa ngayo.

UNkosazana Thabitha Khumalo, umsekeli wesikhulumi secele elikhokhelwa nguMnu.Morgan Tsvangirai utshele uSithandekile Mhlanga we Studio 7 ukuthi uMugabe kufanele alungise udlakela oluselizweni engathethisani lamazwe aphetsheya.

XS
SM
MD
LG