Umphathintambo wezemali, uMnu. Patrick Chinamasa, okuhambo lokuphendla imali emazweni angentshonalanga, namhla uphinde wavinjwa njalo yizizalwane zeZimbabwe ezihlala kwele Bhilitane ukungena emhlanganweni obuqowe yinhlanganiso ye Africa-Confidential.
Lumhlangano ubujonge ukuxoxisana ngentuthuko ye Zimbabwe. UChinamasa ubikwa enelisile ukungena emhlanganweni kodwa abakade betshengisela laba, abenhlanganiso ezithi eye Zimbabwe Vigil leye Restoration of Human Rights bagcwala phandle komhlangano lo uChinamasa uthe esefuna ukubaleka ngomnyango wensamo wangena ethekisini kodwa abatshengiselayo bayigcwalela behlabela ingoma ezicothoza uhulumende waze wehluleka ukusuka okwehola elilodwa.
Kodwa uze wancediswa ngamapholisa eBhilitane. NgoMvulo uChinamasa uvinjiwe njelo ukungena emhlanganweni obusenzelwa eChatham House.
Sixoxe lomunye obetshengisela owenhlanganiso ye Zimbabwe Vigil, uNkosazana Pretty Moyo ukuze sizwe okunengi ngaloludaba.
"Ubuyile uChinamasa labantu bakhe samtshela ukuthi we are not happy ngokwenzkala eZimbabwe. Njalo engeke wabuya lapha engavinjwanga edinga imali," kutsho uMoyo.
