amalinks wokungena

Breaking News

UMpofu Wala Ukukhuluma Ngamadamiyama eMarange ePhalamende


Owake waba ngumphathintambo obona ngezemigodi, uMnu Obert Mpofu walile ukuphendula imibuzo edale lephalamende ngoLwesine phezu kodaba lokunyamalala kwamadayimana eMarange.

UMpofu, yena osengumphathintambo wendaba zasekhaya uthe ubengasoze ekhulume mxa umgcinisihlalo wekomidi embizileyo uMnu Temba Mliswa ekhona.

Uthe ulemfihlo afuna ukuyiveza ngoMliswa, yena athe wamlanda endlini yakhe efuna bakhulume ngudlu ngodaba lwamadayimana lolu.

UMnu Mpofu ubeqale wathi kasose ekhulume ngamadayimana eMarange ngoba engasenguye umphathintambo wezenjiwayo.

Amadayimana la abikwa ahuquluzwa ngezinye izicukuthwane zeZanu PF kwanyamalala imali engamabhiliyoni alitshumi lanhlanu, i$15 billion.

Ukwala kukaMpofu ukukhuluma kubangele ukufuthelana okukhulu phakathi kwakhe loMliswa.

Kwehlukanise njalo amalunga ekomidi yezenjiwayo le akuZanu PF ama loMpofu kwathi abamabandla aphikisayo baba kolunye uhlangothi.

Usomabhizimusi uMnu Lovemore Kurotwi laye umiswe phambi kwalikomidi waveza ukuthi esangumphathintambo uMnu Mpofu wayala ukupha inkampani yakhe ilayisensi yokugebha idayimana eMarange esithi kwakumele beqale bemfumbathise imali eyizigidi ezilitshumi, i$10 million.

UKurotwi utshele ikomidi le njalo ukuthi wacebela uMpofu kuMugabe emhlanganweni ababa lawo bebathathu, kodwa uthi okwamangalisayo yikuthi uMugabe wathatha uhlangothi lukaMpofu.

Ngokunjalo, uMnu Kurotwi uthi uMugabe laye ngumuntu ongethembekanga.

Ilunga lekomidi ebize uMpofu uMnu Anele Ndebele utshele iStudio 7 ukuthi uMpofu basazombiza njalo kakutsha edale. Wengeze wathi uMugabe laye ulakho ukubizwa.

please wait

No media source currently available

0:00 0:02:30 0:00

Facebook Forum

XS
SM
MD
LG