amalinks wokungena

UMakarau weZEC Uphuma Egijima Emhlanganweni Wamabandla Ezombusazwe

  • Mavis Gama

Abezonde okumangalisayo abalunga amabandla aphikisa ele Zanu PF.

Umgcinisihlalo wenhlanganiso ebona ngokuqhutshwa kokhetho eye Zimbabwe Electoral Commission (ZEC), uJustice Rita Makarau, uphume ngesiphangiphangi emhlanganweni obekumele awungene labamele amabandla ezombusazwe emawofisini akhe eHarare ngoLwesibili.

Lokhu kwenzakala amapholisa esephe imvumo umanyano we National Electoral Reform Agenda (NERA), oqoqa ukutshengisela ngoLwesithathu, esithi kodwa akumelanga abatshengiselayo bedlule inkulugwane ezintathu.

Engakasuki emhlanganwnei lo uJustice Makarau wethese abamabandla la umlandu wokumgcona bemhlukumeza yena lamamalunga ekhomishini le emaphephandabeni.

Umane wawumisa lumhlangano uMakarau, esithi abafisa ukukhulumisana laye kumele bamlande ewofisini yakhe, okumangalise abaze kulomhlangano bemele abamabandla abo. Ukwenza kuka Justice Makarau kutshiye abamabandla la bephethe owangaphansi, kusobala ukuba bebengasilendele.

Ubethukuthele uJustice Rita Makarau ngesikhathi emisa lumhlangano esithi yena labanye bakhe sebediniwe ukuba lokhe behlukunyezwa kumaphephandaba ngabezombusazwe.

Lo bekumele kube ngumhlangano omele wenziwe kanye ngenyanga phakathi kwabe ZEC labamabandla ezombusazwe.

Ubuzenziwa ngemva kwesikhathi eside ungangenwanga ngezizatho ezimbalwa kusukela ngenyanga ka Mpalakazi.

Kodwa abaze bemele amabandla ehlukeneyo ezombusazwe bembe phansi ukuba bengasoke baphuma lapho obekumele kwenzelwe khona lumhlangano bangazange bakhulumisana labe ZEC.

Abamabandla la acine ethuma iqula lekhomidi yabo omgcinisihlalo wayo kunguMnu. Khutshwekhaya Nketha owebandla le ZAPU ukuyabonana lo Justice Makarau ehofisini yakhe.

Inengi lamabandla abekulomhlangano litshengise ukuthukuthela lisithi lifisa ngabe buyahle bucitshwe kokuphela ubudlelwano babo le ZEC.

Omunye wabakade besemhlanganweni lo nguNkosazana Ellen Shiriyedenga, umqondisi wohlangothi olubona ngezokuhlela inhlelo ezebandleni le MDC (Planning, Stratergy and Implimentation), elikhokhelwa nguProffessor Welshman Ncube, othe bebengakulindele lokho osekutshiwo ngu Justice Makarau.

Inhlanganiso yeZimbabwe Electoral Commission ithwele nzima.
Inhlanganiso yeZimbabwe Electoral Commission ithwele nzima.

Isikhulumeli sebandla le Zanu Ndonga, uNkosikazi Sifiso Sithole Barrow, osebenza eSwaziland utshengise ukukhathazeka laye ngokumiswa kwalomhlangano le ZEC.

Uthe bekusobala kibo ukuba bebevele bengafuni ukukhulumisana labo njengamabandla ezombusazwe.

Okwenzakale kulomhlango kuzethulelwa inkokheli zamabandla aze kulomhlangano le ZEC ongasenziwanga.

Ngemva kwalokho inkokheli zamabandla kumele zihlangane mhla ka 30 kuyonale inyanga ukubonisana ngokumele kwenziwe ngemva kwesehlakalo sangoLwesibili.

Ngakolunye udaba olufanayo, abezomvikela phansi kwedale le Joint Operation Command (JOC) bavumele abomanyano wamabandla akuNERA, ukubuthana endaweni eyaziwa ngelokuthi Freedom Square, ukuqhuba umbuthano wabo hatshi ukufola ezitaladeni njengalokho kade bekufuna.

Phezu kwalomgoqo amapholisa athi akumelanga bedlule izigidi ezimbili lenxenye (2,500) abantu abazaphatheka ekutshengiseleni.

Amapholisa engezele esithi kumele kukhethwe iqula labalitshumi kunkokheli yomanyano we NERA, ezayanikeza ingcwadi yezikhalazo kumgcinisihlalo wenhlanganiso ebona ngezokuqhutshwa kokhetho i ZEC, uJustice Makarau.

Kodwa uNkosikazi Sithole Barrow, isikhulumeli sabandla le Zanu Ndonga, uthi akubajabulisi lokho.

Lanxa kungayisikho abakade bekufuna abomanyano weNERA, bathi bazalandela konke okutshiwo ngamapholisa

Facebook Forum

XS
SM
MD
LG