amalinks wokungena

Umsakazo WeStar FM Uqala Ukusakaza eZimbabwe

  • Ntungamili Nkomo

Umsakazo wenkampani edinda amaphephandaba kahulumende oweStar FM, uqale ukusakaza ngoMvulo.

Inkampani yeZimpapers, yona edinda amaphephandaba asekela iZanu PF, agoqela iHerald leChronicle, iphiwe ilayisensi nyakenye yokusungula umsakazo wewayilesi.

Ngaleso sikhathi inkampani le yazise ukuthi umsakazo wayo uzabizwa ngokuthi yiZimbabwe Talk Radio.

Kodwa usungulwe sulebizo elithi Star FM. IStudio 7 kayenelisanga ukuthola ingcazelo yokuguqulwa kwalelibizo.

Inengi lithi lumsakazo awutshiyananga loweZBC ngoba imisakazo yomibili ilobudlelwano obukhulu lebandla leZanu PF.

Umgcinisihlalo weMisa-Zimbabwe uMnu Njabulo Ncube uthi inhlanganiso yakhe izaqhubeka ikhankasela ukusungulwa kwemisakazo ezimeleyo okweqiniso, hatshi elobudlelwano lebandla likaMongameli Mugabe.

Umsakazo weZiFM, wona okhokhelwa nguMnu Super Mandiwanzira, laye oyaziwa ngokudlelana leZanu PF, ngomunye lawo ophiwe ilayisensi yokusakaza nyakenye.

Kodwa wona awukaqalisi umsebenzi. UMandiwanzira uthi bakhangelele ukuthi kusiyafika uNcwabakazi babe sebeqalisile.

Okuhambelana lalokhu

XS
SM
MD
LG