amalinks wokungena

Breaking News

Umsakazo weStudio 7 Labangane bakaSandra Nyaira Bakhalela Umndeni Wakhe


UNkosazana Sandra Nyaira ubhubhele eHarare ngoLwesibili.

Umsakazo weStudio 7 ngoLwesithathu ubambane lezinye inhlanganiso zentathelizindaba ekududuzeni imuli yentatheli eyake yasebenzela lumsakazo okweminyaka eminengi uNkosazana Sandra Nyaira.

Isikhulumeli somndeni uTatenda Nyaira uveze ukuthi udadewabo uthethwe ngumkhuhlane weCovid-19 eseHarare ngoLwesibili.

Uthe uzabekwa eWarren Hills eHarare ngoMgqibelo.

USandra wake wasebenzela iphephdaba leThe Daily News lisatshisa, wazoya eBhilithane ukuyafunda wasedlulela eMelika ukuyasebenzela iStudio 7.

Inhlanganiso ezifana leyeMISA-Zimbabwe leyeZimbabwe Union of Journalists (ZUJ) lazo ziveze ukudana okukhulu ngokutshona kwakhe zisithi ilizwe lilahlekelwe yintathelizindaba ebiwazi umsebenzi.

Umufi ubesesebenzela umanyano weUnited Nations (UN).

Umhleli wezindaba zesiNdebele kuStudio 7 uPraxedes Jeremiah uthe balusizi kakhulu ngokudlula kukaSandra emhlabeni.

please wait

No media source currently available

0:00 0:02:05 0:00

Umngane kaSandra njalo laye eyintathelizindaba uBrenda Moyo uthe ulahlekelwe ngumngane obengumuntu wabantu.

please wait

No media source currently available

0:00 0:01:57 0:00

Facebook Forum

XS
SM
MD
LG