amalinks wokungena

Kuhluzwa Umthetho Wezempilakahle Owabekwa ngo1924

  • Mavis Gama

Parliament of Zimbabwe

Idale labaphathintambo bakahulumende eleCabinet seliphakathi kokuhluza umthetho osalolongwa wezempilakahle owe Public Health Bill.

Abaphathintambo bathi bakhangelele ukuba iBill le izaba ngumtheth, isikhathi sokuhlala kwedale lephalamende elikhona singakedluli.

Unobhala wogatsha lwezempilakahle, uBrigadier General Dr. Gerald Gwinji, uveze lokhu komunye wemihlangano eyenziwa ngabenhlanganiso yamagqwetha, eye Zimbabwe Lawyers for Human Rights (ZLHR), yokukhankasela ukuguqulwa kwalomthetho.

Umbiko ka Gwinji, ujabulise amalunga edale lephalamende aku khomidhi yezempilakahle, ikakhulu umgcinisihlalo wayo uDr. Ruth Labode.

Lingaba ngumthetho leli bill, uDr. Labode ethi lizosiza kakhulu,ukulungisisa obekuhlupha, kwezempilakahle elizweni.

Okwamanje ilizwe lokhe lisebenzisa umthetho we Public Health Act, owomnyaka ka 1924, ozikhanyela ukuba usuluphele kakhulu, ungasahambelani lokwenzakal empilweni yalamhla nje.

Ezinye zenhlanganiso ebesebenzisana leye ZLHR le, kulemikhankaso, zibalisa eye Community Working Group on Health (CWGH), eye Save the Children leye Training And Research Support Centre (TARSC).

Esinye sezizatho esesifuqa ngamandla ukuguqulwa kwalumthetho yikuthi sekukunengi osekuthe kwenzakala kwezempilakahle okungasaneliswa yilo mthetho ka1924, okunje imikhuhlane eyayingekho ngaleso sikhathi okufana labongculaza, ukusabalala kwegciwane, omvukuzane, oHypertension lokunye okwakungajwayelekanga.

Facebook Forum

XS
SM
MD
LG