amalinks wokungena

Breaking News

Umthethwandaba Uthi uChombo Kumele Athoniswe Amacala Awetheswayo Esentilongweni


 Zimbabwe's former finance minister, Ignatius Chombo, center and Kudzanai Chipanga are led to a prison truck in Harare, Zimbabwe, Nov. 25, 2017. Chombo testified that armed men in masks and uniforms abducted him from his home during the military operation
Zimbabwe's former finance minister, Ignatius Chombo, center and Kudzanai Chipanga are led to a prison truck in Harare, Zimbabwe, Nov. 25, 2017. Chombo testified that armed men in masks and uniforms abducted him from his home during the military operation

Umthethwandaba kamantshi eHarare ngoMvulo walile isicelo sobengumphathintambo wezemali kuhulumende, uMnu Ignatius Chombo, obotshwe libutho ekugenqulweni kukahulumende, esokuthi ahlawuliswe imali yesibambiso ukuze ethonisiswe amacala akhe evela endlini.

Umkhokheli wabasakhulayo kuZanu PF, uMnu Kudzai Chipanga, laye ubelesicelo esifanayo esiyalwe ngumantshi njengesika Chombo yena oyetheswa amacala agoqela elubusela lokungethembeki.

UChipanga wetheswa amacala agoqela elokwethula imbiko engamanga. Umantshi uthe engakhulula ababili laba, balakho ukubaleka elizweni kumbe batshaywe nguzulu abalimaze.

UChombo loChipanga bazaqhubeka bevalelwe baphenduke emthethwandaba mhlaka 8 ngoMpalakazi.

Igqwetha lika Chombo, uMnu. Lovemore Madhuku, uthe uzakuya emthethwandaba ngoLwesibili lapho ozazama khona ukuthi uChombo anikwe isibambiso sokuthoniswa amacala akhe ehlala endlini yakhe.

UChombo wakewasebenza kuhlangothi lukahulumende oluboba ngezemadolobheni lemaphandleni lapho okuthiwa wayengenzi kahle khona.

Ubeselesikhathi eside ekuhulumende kaMugabe owagenqulwa libutho.

XS
SM
MD
LG