amalinks wokungena

Umthethwandaba Wesula Impumela Yokhetho eKenya

  • Ntungamili Nkomo

Umthethwandaba waphezulu oweSupreme Court kweleKenya ngoLwesihlanu wesule impumela yokhetho lukaMongameli olwenziwe mhlaka 8 ngenyanga edluleyo okwanqoba khona uMongameli Uhuru Kenyata.

Umthethwandaba lo uvumelane lamagqwetha omanyano wamabandla aphikisayo ukuthi kwaba lokuqilibezela kulolukhetho.

UMnu Kenyatta wanqoba owayemela umanyano lo uMnu Raila Odinga ngamavoti efika isigidi esisodwa lengxenye, 1,4 million.

ISupreme Court ithe kumele kuqhuthswe ukhetho olutsha phakathi kwenyanga ezintathu ezilandelayo. UOdinga wamukele isinqumo lesi ngenjabulo; kodwa uKenyatta uthe lanxa esamukela, kavumelani laso. Ingcwethi zithi lokhu ngokwakuqala eAfrica ukuthi impumela yokhetho lukaMongameli yesulwe lidale lomthethwandaba.

EZimbabwe khona umkhokheli webandla leMDC, uMnu Morgan Tsvangirai, seke waya emthethwandaba ukuyaphikisa impumela yokhetho kodwa kakaze aphumelele.

UKUXABANA KUBANDLA LEMDC

Kolunye udaba, ukulwisana phakathi komkhokheli webandla leMDC-T uMnu Morgan Tsvangirai lomsekeli wakhe uNkosazana Thokozani Khupe kuzavela sobala njalo ngoMgqibelo lapho uMaKhupe abikwa engasoze aphatheke emhlanganweni omkhulu walelibandla ozaqhutshelwa enkundleni yeWhite City koBulawayo.

UMnu. Tsvangirai uzakwenza umhlangano lo labakhokheli bamanye amabandla aphikisayo agoqela uMnu. Welshman Ncube loMnu. Tendai Biti bekhuthaza uzulu ukuthi amukele umanyano abazama ukuwubumba.

Abazi ngokwenzakalayo bathi inkokheli yebandla leli eMatabeleland esekela uMaKhupe egoqela umgcinisihlalo webandla uMnu. Lovemore Moyo loMnu. Abednico Bhebhe, yena omiwe umsebenzi ngeviki edluleyo, kabasoze baphatheke kulu mhlangano.

Sokulamaxuku amabili kuMDC-T, elisekela uMnu. Tsvangirai lelisekela uMaKhupe. Ingxabano ekhuna ludaba lokwabelwa kwamanye amabandla izikhundla zokuncintisa kukhetho oluzayo.

Facebook Forum

XS
SM
MD
LG